'मी डोळे उघडले तेव्हा अंगावर कपडे नव्हते'; मॉडेलचे भाजप नेत्यावर गंभीर आरोप, म्हणाली- त्यानं मला बेशुद्ध करून...
सुरतमधील एक महिला मॉडेल आहे. ती जाहिरातींचे शूटिंग करते. काही दिवसांपूर्वी ती तिच्या पतीसोबत गिर सोमनाथच्या तलाला भागातील बोरवाव गावातील एका रिसॉर्टमध्ये गेली होती. तिथे तिला एका जाहिरातीचे शूटिंग करायचे होते. यादरम्यान तिच्या पतीचा मित्र प्रदीप भाखर जो स्वतः स्थानिक भाजप नेता आहे, तोही तिला भेटायला आला. त्यानंतर महिलेसोबत धक्कादायक कृत्य घडले आहे.
त्या महिलेने सांगितले की, सर्वांनी एकत्र जेवण केले आणि नंतर रिसॉर्टच्या बागेत बसून गप्पा मारल्या. त्यानंतर महिलेच्या पतीला एका मित्राचा फोन आला आणि तो थोडा वेळ बाहेर गेला. ती महिला तिच्या खोलीत परतली. काही वेळाने प्रदीप भाखर खोलीत आला आणि म्हणाला की त्याला मॉडेलिंगच्या कामाबद्दल बोलायचे आहे. महिलेने त्याला आत बोलावले. त्याच्या हातात कोल्ड्रिंकची बाटली होती, जी त्याने महिलेला दिली.महिलेने ते पेय प्यायले. परंतु सुमारे १५ मिनिटांनंतर तिला चक्कर येऊ लागली आणि नंतर ती बेशुद्ध पडली. ती महिला म्हणते की जेव्हा तिला शुद्धीवर आले तेव्हा तिने पाहिले की तिच्या अंगावर एकही कपडा नव्हता. जेव्हा तिने प्रदीप भाखर यांना विचारले की त्याने काय केले आहे, तेव्हा त्यांनी न डगमगता उत्तर दिले - हे सर्व मॉडेलिंगमध्ये घडते." महिलेच्या म्हणण्यानुसार, प्रदीप यांनी धमकीही दिली की जर तिने याबद्दल कोणाला सांगितले तर तो तिचे अश्लील फोटो आणि व्हिडिओ सार्वजनिक करेल. भीतीमुळे त्या वेळी ती महिला काहीही बोलू शकली नाही.
महिलेने सांगितले की, तिने काही दिवसांपूर्वी पोस्टद्वारे पोलिसांना या घटनेची माहिती दिली होती. परंतु पोलिसांनी कोणतीही कारवाई न केल्यामुळे ती स्वतः सुरतहून गीर सोमनाथ येथे तलाला पोलीस ठाण्यात तक्रार नोंदवण्यासाठी आली. पोलिसांनी वेळीच कारवाई केली असती तर कदाचित तिला इतका त्रास सहन करावा लागला नसता, असे महिलेने म्हटले आहे. एवढेच नाही तर महिलेने आणखी एक मोठा आरोप केला आहे.
तिने म्हटले की, या संपूर्ण घटनेनंतर तिला ड्रग्जशी संबंधित खोट्या प्रकरणात अडकवण्यात आले. या प्रकरणात ती सुमारे दोन महिने तुरुंगातही राहिली. ज्याप्रमाणे तिला तुरुंगवासाची शिक्षा भोगावी लागली आहे, त्याचप्रमाणे या लोकांनाही तुरुंगात पाठवण्यात यावे . ती आता गप्प बसणार नाही. तिने पोलिसांकडे स्पष्टपणे मागणी केली आहे की आरोपीला लवकरात लवकर अटक करावी. तिला न्याय मिळावा. तिला बदनाम करण्याचा सर्वतोपरी प्रयत्न करण्यात आला, पण आता ती आवाज उठवेल असेही महिलेने म्हटले आहे. पोलिसांनी महिलेच्या तक्रारीवरून गुन्हा दाखल करून तपास सुरू केला आहे. आतापर्यंत आरोपींकडून कोणतीही प्रतिक्रिया आलेली नाही.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
