आमच्या कोकणात मिटकरी सारख्या लोकांना शिमग्यातला गोमू म्हणतात - नितेश राणे
अजित पवार यांच्यासह राष्ट्रवादीचे काही आमदार शिंदे-फडणवीस सरकारमध्ये सामील झाले होते. अजित पवार गट सत्तेत आल्यानं भाजप आणि शिंदे गटातील काही आमदार नाराज असल्याच्या चर्चा राजकीय वर्तुळात सुरू होत्या. अशात राष्ट्रवादीचे नेते अमोल मिटकरी यांनी मोठं वक्तव्य केलं आहे. त्यांच्या या वक्तव्यावर भाजप नेते नितेश राणे यांनी प्रतिक्रिया दिली आहे.
“मी अजित पवारांना समर्थन दिलं आहे. मात्र, याचा अर्थ मी भाजपचा प्रचारक असेल किंवा भाजप सत्तेवर जाण्यासाठी मी प्रयत्न करेल असा नाही”, असं वक्तव्य अमोल मिटकरी यांनी केलं होतं. अमोल मिटकरी यांच्या या वक्तव्यानंतर भाजप आणि अजित पवार गटात मोठा वाद होण्याची शक्यता निर्माण झाली आहे. अमोल मिटकरी यांच्या या वक्तव्यावर भाजपच्या नेत्यांनी प्रतिक्रिया दिली आहे.
अमोल मिटकरी यांच्या वक्तव्यावर प्रतिक्रिया देत नितेश राणे म्हणाले, “आत्ताच कुठेतरी वाचलं मिटकरी म्हणतो मी भाजपचा प्रचार करणार नाही…हा कोण आहे?? आमच्या कोकणात मिटकरी सारख्या लोकांना शिमग्यातला गोमू म्हणतात.भलताच कॉन्फिडन्स असतो काही लोकांना.
दरम्यान, भाजप-शिंदे सरकारमध्ये अजित पवार गट सामील झाल्यानंतर खातेवाटप आणि मंत्रिमंडळ विस्ताराचा गुंता वाढला असल्याचं बोललं जात आहे. हा गुंता सोडवण्यासाठी एकनाथ शिंदे , अजित पवार , देवेंद्र फडणवीस यांच्या दररोज बैठका होत आहेत. त्याचबरोबर मंत्रिमंडळ विस्ताराचा तिढा सोडवण्यासाठी अजित पवार, एकनाथ शिंदे आणि देवेंद्र फडणवीस यांनी दिल्ली गाठली होती.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
