मिरजेतील वेश्या वस्तीत बांगला देशी महिलांचा शोध : पोलिसांची छापेमारी
मिरज : मिरजेतील उत्तमनगर येथील वेश्यावस्तीत बांगला देशी महिला असल्याच्या संशयावरून पोलिसांनी छापेमारी करत कोम्बिंग ऑपरेशन राबविले. यावेळी १३ बंगाली महिला मिळून आल्या. त्यांच्याकडे कागदपत्रांची कसून चौकशी करण्यात येत आहे. उत्तमनगर येथील वेश्या वस्तीत बांगला देशी महिला असल्याची माहिती पोलिसांना मिळाली होती.
त्यानुसार महात्मा गांधी चौक पोलिस ठाण्याचे सहायक निरीक्षक संदीप शिंदे यांच्यासह पथकाने उत्तमनगरमध्ये छापेमारी केली. या ठिकाणी महाराष्ट्र, कर्नाटक, उत्तर प्रदेश, बिहार, प. बंगालमधील महिला मिळून आंल्या. या ठिकाणी पश्चिम बंगाल येथील १३ महिला आढळून आल्या असून, त्यांच्याकडे कागदपत्रांची कसून चौकशी करण्यात येत असल्याचे सहायक पोलिस निरीक्षक संदीप शिंदे यांनी सांगितले.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
