राष्ट्रीय बाल स्वास्थ कार्यक्रम मोहीम शुभारंभ

राष्ट्रीय बाल स्वास्थ कार्यक्रम मोहीम शुभारंभ

 

 

संपूर्ण राज्यात सार्वजनिक आरोग्य विभागाच्या वतीने राष्ट्रीय बाल स्वास्थ् कार्यक्रम मोहीम स्वरुपात राबविणेत येणार आहे. मंत्री, सार्वजनिक आरोग्य व कुटंब कल्याण प्रकाश आबिटकर यांच्या सूचनेतून राज्यातील 0 ते 18 वर्षे वयोगट पर्यंतच्या बालके तसेच किशोरवयीन मुलामुलींच्या सर्वांगिन आरोग्य तपासणीसाठी सार्वजनिक आरोग्य विभाग, एकात्मिक बाल विकास विभाग, शिक्षण विभाग, आदिवासी विभाग, नगरविकास यांच्या समन्वयाने मोहीम राज्यस्तरावर राबविणेचे निश्चित करणेत आले आहे. त्यानुसार सदर उपक्रम राज्यात राष्ट्रीय आरोग्य अभियान अंतर्गत राबवायचा आहे.

उद्दीष्ट

1. 0 ते 18 वर्षे पर्यंतच्या बालकांची / किशोरवयीन मुलामुलींची प्राथमिक आरोग्य तपासणी करणे.

2. आजारी आढळलेल्या बालकांवर त्वरित उपचार करणे.

3. गरजू आजारी बालकांना संदर्भसेवा देवून उपचार करणे जसे की, औषधोपचार, शस्त्रक्रिया

4. प्रतिबंधात्मक आरोग्य सुविधा पुरविणे

5. सुरक्षित व सुदरुढ आरोग्यासाठी समुपदेशन करणे

महाराषट्र राज्य लाभार्थी उद्यिष्ट

तपासणी पथक

वैद्यकिय अधिकारी - महिला

वैद्यकिय अधिकारी - पुरुष

औषधनिर्माण अधिकारी

ए एन एम

तपासणीमध्ये उच्चस्तरीय उपचार व शस्त्रक्रिया आवश्यक असलेल्या बालकांना शासकिय वैद्यकिय महाविद्यालय, मनपा रुग्णालय, महात्मा जोतीबा फुले जन आरोग्य योजनेअंतर्गत करारबध्द रुग्णालय व आरबीएसके करारबध्द रुग्णालयांमध्ये संदर्भित करणेत येणार आहे. कार्यक्रमाचे उद्घाटन शनिवार दि. 01 मार्च 2025 रोजी सकाळी 8.30 वाजता पुणे येथून उपमुख्यमंत्री, महाराष्ट्र राज्य अजित पवार यांचे हस्ते व आरोग्य मंत्री प्रकाश आबिटकर यांचे उपस्थितीमध्ये होणार आहे. जिल्हास्तरीय उद्घाटन हे मार्गदर्शक सूचनांनुसार निवडणेत आलेल्या अजितराव घोरपडे विद्यालय व ज्युनिअर कॉलेज, कळंबी येथून करणेत येणार आहे.

उदघाटन पालकमंत्री चंद्रकांत पाटील, खासदार विशाल पाटील, आमदार सुरेश खाडे, जिल्हातील इतर सर्व आमदार, जिल्हाधिकारी अशोक काकडे, मुख्य कार्यकारी अधिकारी तृप्ती धोडमिसे, जिल्हा आरोग्य अधिकारी डॉ. विजयकुमार वाघ व मान्यवरांच्या उपस्थितीमध्ये करण्याचे नियोजन आहे. जिल्हा शल्य चिकित्सक डॉ. विक्रमसिंह कदम यांचे मार्गदर्शनाखाली जिल्हा समन्वयक डॉ. प्रमोद चौधरी व कार्यक्रम सहायक अनिता हसबनीस हे कार्यक्रमाचे नियोजन करित आहेत.

➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.