घरफोडी करणार्‍या सराईत गुन्हेगाराला अटक:, सांगली एल सीबीची कारवाई
सांगली :- विटा, आटपाडी परिसरात घरफोडी, चोरी करणार्‍या सराईत चोरट्याला स्थानिक गुन्हे अन्वेषण विभागाच्या पथकाने जेरबंद केले. लखन संभाजी चव्हाण (वय 35, रा. बादलकोट, करकंब, ता. पंढरपूर) असे संशयिताचे नाव आहे. त्याच्याकडून दोन गुन्हे उघडकीस आले
असून दोन लाखांचा ऐवजही जप्त करण्यात आला. एलसीबीचे निरीक्षक सतीश शिंदे
त्यांच्या मार्गदर्शनाखाली सहायक पोलिस निरीक्षक सिकंदर वर्धन यांचे पथक
विटा परिसरात गस्तीवर होते. पथकातील अंमलदार प्रसाद साखरपे, अभिजित ठाणेकर
आणि सुनील जाधव यांना, सराईत चोरटा लखन चव्हाण हा विटा येथील बळवंत
कॉलेजनजीक चोरीचा ऐवज विक्रीसाठी येणार असल्याची माहिती मिळाली.
पोलिसांनी त्या ठिकाणी सापळा लावला व त्याला ताब्यात घेत झडती घेतली असता, त्याच्याकडून 1 लाख 80 हजार रुपयांचे दागिने व चांदीचा कंबरपट्टा जप्त केला आहे. चौकशीत त्याने लेंगरे (ता. खानापूर) येथील घरातून व बाळेवाडी (ता. आटपाडी) येथे दागिने चोरल्याची कबुली दिली. चव्हाण हा रेकॉर्डवरील गुन्हेगार असून त्याच्यावर सोलापूर व पुणे जिल्ह्यात मालमत्तेविरुद्धचे गुन्हे दाखल आहेत. ही कारवाई सहायक पोलिस निरीक्षक वर्धन, हवालदार सूर्यकांत साळुंखे, संजय पाटील, अतुल माने, हनुमंत लोहार, सोमनाथ गुंडे, प्रमोद साखरपे यांनी केली.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
