सांगलीत नराधम बापाने केला मुलीवर बलात्कार
सांगली : पोटच्या मुलीचे जबरदस्तीने अश्लील व्हिडीओ काढून ते व्हायरल करण्याची धमकी देत नराधम बापाने बलात्कार केल्याची गंभीर घटना उघडकीस आली आहे. याप्रकरणी गुन्हा दाखल होताच सांगली शहर पोलिसांनी नराधम बापाला तत्काळ गजाआड केले आहे.
शहरातील एका भागात शनिवारी पहाटे ही घटना घडली.
पोलिसांनी दिलेली माहिती अशी की, पीडित मुलगी वीस वर्षांची असून ती शिक्षण घेत आहे. शनिवारी पहाटे ती बाथरूमसाठी उठली. बाथरूममधून बाहेर आल्यानंतर 'तुझ्याशी बोलायचे आहे', असे सांगून बापाने तिला आपल्या बेडरूममध्ये नेले. बेडरूमचा दरवाजा बंद करून 'तुझ्या आईला जागा विकायला सांग', असे बजावले. त्यावर मुलीने 'जागा विकायचे काय कारण?', असा सवाल केला. याचा राग आल्याने बापाने मुलीला मारहाण केली. तिच्याशी अश्लील चाळे केले. तिच्या अंगावरील कपडे फाडून ओढणीने तोंड बांधले. तिचे व्हिडीओ चित्रण करून ते व्हिडीओ व्हायरल करण्याची धमकी देऊन जबरदस्तीने तिच्याशी शरीरसंबंध ठेवले. याप्रकरणी पीडित मुलीने शहर पोलिसांत धाव घेऊन नराधम बापाविरुद्ध फिर्याद दिली. पोलिसांनी तत्काळ त्याला अटक केली. उपअधीक्षक श्रीमती विमला एम. यांनी पीडित मुलीच्या घरी भेट देऊन पीडितेची विचारपूस केली.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
