"डीके शिवकुमार पक्ष बदलून आले तर मी...", भाजपाच्या दिग्गज नेत्याने दिला इशारा, काँग्रेसमध्ये खळबळ
कर्नाटककाँग्रेसमधील सुरू असलेल्या वादाच्या पार्श्वभूमीवर भाजपा हाय अलर्टवर असल्याचे दिसत आहे. दरम्यान, आता माजी राज्यमंत्री आमदार रमेश जारकीहोळी यांनी एक विधान केले आहे. 'भाजपने काँग्रेस सरकार पाडण्याचा प्रयत्न करू नये. जर उपमुख्यमंत्री डीके शिवकुमार भाजपमध्ये सामील झाले तर मला इतर पर्यायांचा शोध घ्यावा लागेल, असा इशारा त्यांनी दिला. शिवकुमार यांना पाठिंबा देणारे आमदार काँग्रेस हायकमांडला भेटण्यासाठी दिल्लीत तळ ठोकून आहेत.
जारकीहोळी म्हणाले, "मी भाजप नेतृत्वाला तटस्थ राहण्याचे आवाहन करतो. त्यांनी यात हस्तक्षेप करू नये; ही एक दलदल आहे आणि आपण त्यात अडकू नये." सत्तेच्या वाटपाबद्दल नेत्यांमध्ये गोंधळ आहे. काही नेते मुख्यमंत्री पद मिळवण्यासाठी त्यांना काढून टाकण्याचा प्रयत्न करत आहेत. त्यांना जे काही करायचे आहे ते करू द्या. आपण पुढील निवडणुकीची वाट पाहावी आणि पूर्ण बहुमताने परत यावे. हे माझे वैयक्तिक मत आहे, असंही जारकीहोळी म्हणाले."काँग्रेसकडे अजूनही जनादेश आहे. त्यांना त्यांचा कार्यकाळ पूर्ण करू द्या. शिवाय, वारंवार निवडणुका होणे राज्यासाठी चांगले नाही. काँग्रेस सरकार जनविरोधी आहे आणि पुढील अडीच वर्षे सत्तेत राहिल्यास त्यांना जनतेच्या नाराजीचा सामना करावा लागेल. तर स्वाभाविकच, लोक भाजपला निवडतील, असंही जारकीहोळ म्हणाले.
डीके शिवकुमार यांच्याबाबत महत्वाचे विधान
डीके शिवकुमार पक्ष बदलून भाजपच्या पाठिंब्याने सरकार स्थापन करतील का असे विचारले असता, जारकीहोळी म्हणाले की, अशी परिस्थिती येण्याची शक्यता कमी आहे. जर असे झाले तर मी त्यांना माझा नेता म्हणून स्वीकारू शकणार नाही. या आयुष्यात ते शक्य नाही. जर शिवकुमार भाजपमध्ये सामील झाले तर मला इतर राजकीय पर्याय शोधावे लागतील." "मला वाटत नाही की शिवकुमार यांना काँग्रेसमधील आमदारांचा पाठिंबा आहे. जर ते खरे असते तर ते आधीच मुख्यमंत्री झाले असते."
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
