आ. जयंत पाटील आ.डॉ. विश्वजीत कदम खा. विशाल पाटील आ. पडळकर, यांच्या प्रतिष्ठेची लढाई
सांगली जिल्ह्यातील सहा नगरपालिका आणि दोन नगरपंचायत निवडणुकीचा प्रचार शिगेला पोहोचला आहे. दोन डिसेंबरला मतदान आणि तीन डिसेंबरला मतमोजणी होणार आहे. 'महाविकास आघडी' आणि 'महायुती' यांच्या दृष्टीने ही निवडणूक महत्त्वाची असली तरी स्थानिक पातळीवर पक्षतत्वाला बगल देऊन झालेली मगरमिठी भविष्यात महत्त्वाची ठरणार आहे. सांगली जिल्ह्यातील ईश्वरपूर, पलूस, जत, विटा आटपाडी, शिराळा आहा, आणि तासगांव या नगरपालिका व नगर परिषदेची सध्या जोरदार चर्चा सुरू आहे. कारण राज्याचे माजी मंत्री आणि विद्यमान आमदार जयंत पाटील यांनी कोणत्याही परिस्थितीत ईश्वरपूर व आष्टा या दोन नगरपालिका ताब्यात घ्यायच्याच या इराद्याने तेरा दिवस ईश्वरपूरमध्ये मुक्काम ठोकला आहे. आमदार जयंत पाटील एकदा इर्षला पडले की, ते कुणालाही सुट्टी देत नाहीत. ईश्वरपूर नगरपालिका गेली अनेक वर्षे विरोधकांच्या ताब्यात होती, त्याची खंत त्यांना आहे. त्यामुळेच ते पावेळी इर्षेला पडलेले आहेत. ईश्वरपुर नगरपालिकेचा कोपरा आणि कोपरा धुंडाळून त्यांनी लोकांत वेगळे चैतन्य निर्माण करण्याचा प्रयत्न केला आहे. गेली काही वर्षे त्यांच्यासोबत असणारेच एके काळचे भाजपाचे नेते माजी मंत्री अण्णासाहेब डांगे जे सध्या पुन्हा भाजपावाशी झाले आहेत. त्यांचे चिरंजीव विश्वनाथ डांगे हे ईश्वरपूर नगराध्यक्ष पदाची निवडणूक लढवत आहेत. आमदार जयंत पाटील यांचे कट्टर विरोधक आणि गेल्या विधानसभा निवडणुकीत थोडेफार मतांनी पराभूत झालेले निशिकांत पाटील यांची साथ सथ्या डांगेना आहे. परंतु एकूण वातावरण पाहता ईश्वरपूर आणि आष्टा या दोन नगरपालिका मध्ये पावेळी आमदार जयंत पाटील यांनी आपली ताकद पणाला लावली आहे
ईश्वरपुर प्रमाणेच पलूसमध्ये माजी मंत्री आणि विद्यमान आमदार डॉ. विश्विजीत कदम, तासगावमध्ये विद्यमान आमदार रोहित पाटील आणि माजी खासदार संजयकाका पाटील तर विटा मध्ये गेली अनेक वर्षे पाटील घराण्याच्या ताब्यात असलेली नगरपालिकेची सत्ता यावेळी कोणत्याही परिस्थितीत हिसकावून घेण्याच्या इराद्याने विद्यमान आमदार सुहास बाबर कामाला लागलेले आहेत. मात्र प्रत्येक ठिकाणी परिस्थिती वेगळी आहे. जतमध्ये विद्यमान आमदार गोपीचंद पडळकर हे ताकतीने भाजपा पॅनेल आणि नगराध्यक्ष पदाचे उमेदवार डॉ. रवींद्र आरती यांच्या पाठीशी उभे आहेत. मात्र काँग्रेसचे नगराध्यक्ष पदाचे उमेदवार सुजय (नाना) शिंदे आणि काँग्रेसचे पॅनल यांच्या विजयासाठी माजी मंत्री आणि विद्यमान आमदार डॉ. विश्वजीत कदम, आणि खासदार विशाल पाटील यांनी कंबर कसली आहे. जत प्रमाणेच त्यांनी पलूस नगर पंचायत मध्येही आपली ताकद पणाला लावली आहे. पलूसमध्ये तिरंगी लढत होते आहे. आमदार डॉ विश्वजीत कदम, भाजपाचे पृथ्वीराज देशमुख, आणि नुकतेच भाजपामध्ये आलेले क्रांती कारखान्याचे चेअरमन शरद साह, भाजपाचे संग्रामसिंह देशमुख या नेतृत्वाची कसोटी लागलेली आहे. तर विट्यामध्ये विद्यमान आमदार सुहास बाबर विरुद्ध माजी आमदार सदाशिव पाटील यांचे चिरजीव वैभव पाटील यांच्यात संघर्ष रंगला आहे. बिटा नगरपालिकेची सत्ता गेली अनेक वर्ष पाटील यांच्या ताब्यात आाहे. माजी आमदार हणमंतराव पाटील, त्यांचे चिरंजीव आमदार सदाशिव पाटील, आणि त्यानंतर वैभव पाटील यांच्याकडे विटा नगरपालिकेची सत्ता कायम राहिली आहे. दरम्यानच्या काळात अनिल बाबर हे आमदार झाले. परंतु त्यांना नगरपालिकेची सत्ता ताब्यात घेणे शक्य झाले नाही. माजी आमदार अनिल बाबर यांच्या निधनानंतर होणारी ही पहिलीच नगरपालिकेची निवडणूक आहे कोणत्याही परिस्थितीत विटा नगरपालिकेची सत्ता मिळवण्याच्या इराद्याने अनिल बाबर यांचे चिरंजीव विद्यमान आमदार सुहास बाबर कामाला लागलेले आहेत. विठ्यातला हा संघर्ष टोकाचा झाला आहे. मात्र या निवडणुकीत बाबर गट बाजी मारली की काय? अशी शक्यता निर्माण झाली आहे. तासगाव नगरपालिकेमध्ये अनेक वर्ष आर. आर. (आबा) पाटील म्हणजेच राष्ट्रवादीची रात्ता आहे. सध्या त्यांची चिरंजीव आमदार रोहित पाटील विरुद्ध माजी खासदार संजय काका पाटील यांच्यात सामना रंगला आहे. विशेष म्हणजे माजी खासदार संजय पाटील यांनी भाजपला रामराम करत स्वतंत्र आघाडीच्या माध्यमातून विद्यमान आमदार रोहित पाटील यांच्यावरुद्ध हे आव्हान निर्माण केले आहे. या दोन गटातील संघर्ष टोकाचा बनला आहे. कोण बाजी मारणार? हे सांगणे अवघड बनले आहे. शिराळा नगरपंचायतीमध्ये माजी आमदार मानसिंगराव नाईक आणि माजी मंत्री शिवाजीराव नाईक यांची इथे युती झाल्याने विद्यमान आमदार सत्यजित नाईक पांच्यापुढे मोठे आव्हान निर्माण झालेले आहे. त्यामुळे शिराळा नगरपंचायतीत माजी आमदार मानसिंगराव नाईक बाजी मारणार असे चित्र आहे.
नगरपालिका, नगरपंचायत निवडणूकीच्या निमित्ताने त्या... त्या तालुक्यातील विद्यमान आमदार, माजी आमदार यांची बाजी पणाला लागली आहे. विशेषतः भाजपाचे सांगलीचे पालकमंत्री चंद्रकांत दादा पाटील, भाजपाचे स्टार प्रचारक आमदार गोपीचंद पडळकर, पृथ्वीराज देशमुख, राष्ट्रवादीचे नेते आमदार जयंत पाटील, कॉंग्रेसचे नेते आणि विद्यमान आमदार डॉ. विश्वजीत कदम, सांगलीचे खासदार विशाल पाटील, शिवसेना (शिंदे गटाये) आमदार सुहास बाबर, माजी आमदार सदाशिव पाटील, त्यांचे चिरंजीव वैभव पाटील यांची प्रतिष्ठा पणाला लागली आहे.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
