जतमधील चोरीचा छडा अल्पवयीन मुलाकडून 1.76 लाखांचा मुद्देमाल जप्त : सांगली एलसीबीची कारवाई
जत येथील अंबिकानगर येथील घरात चोरी केल्याप्रकरणी एका अल्पवयीन मुलाला ताब्यात घेण्यात आले. त्याच्याकडून 1.76 लाखांचा मुद्देमाल जप्त करण्यात आला आहे. सांगली एलसीबीने ही कारवाई केली. जतमधील अंबिकानगर येथील खलील शेख यांच्या घरी चोरी झाल्याचे दि. 18 डिसेंबर रोजी उघडकीस आले होते. याबाबत जत पोलीस ठाण्यात नोंद करण्यात आली होती. चोरट्याना पकडण्यासाठी एलसीबीचे पोलीस निरीक्षक संजीव झाडे यांनी सहायक निरीक्षक पंकज पवार यांचे पथक तयार केले होते. पथकाला ही चोरी अल्पवयीन मुलाने केल्याची माहिती मिळाली.
पथकाने त्याला ताब्यात घेऊन चौकशी केल्यावर त्याने चोरीची कबुली दिली. त्याच्याकडून 1.76 लाखांचा मुद्देमाल जप्त करण्यात आला आहे. एलसीबीचे पोलीस निरीक्षक संजीव झाडे यांच्या मार्गदर्शनाखाली सहायक निरीक्षक पंकज पवार, जतचे सहायक निरीक्षक बिराप्पा लातुरे, सोमनाथ गुंडे, संदीप नलावडे, अमर नरळे, सागर लवटे, सागर टिंगरे, सतिश माने, अमिरशा फकीर, मच्छिद्र बर्डे, संदिप गुरव, उदय माळी, महादेव नागणे, विक्रम खोत, सायबर पोलीस ठाण्याचे अभिजीत पाटील यांच्या पथकाने ही कारवाई केली.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
