खानापुरातील घर फोडणाऱ्या तरुणाला अटक मोपेडसह 2.20 लाखांचा मुद्देमाल जप्त : एलसीबीची कारवाई
खानापुरातील सूर्यनगर येथील घर फोडणाऱ्या तरुणाला अटक करण्यात आली. त्याच्याकडून एक मोपेड, दागिने असा 2.20 लाखांचा मुद्देमाल जप्त करण्यात आला. एलसीबीच्या पथकाने ही कारवाई केली. प्रकाश जगन्नाथ सदामते (वय ३२, रा. आमणापुर ता. पलुस) असे अटक केलेल्याचे नाव आहे. सूर्यनगर येथील दिगंबर गुरव यांच्या घरी चोरी झाल्याचे दि. 30 डिसेंबर रोजी उघडकीस आले होते. याबाबत विटा पोलीस ठाण्यात नोंद करण्यात आली होती. यातील चोरट्याना पकडण्यासाठी एलसीबीचे पोलीस निरीक्षक संजीव झाडे यांनी सहायक निरीक्षक सिकंदर वर्धन यांचे पथक तयार केले होते.
केलेल्याचे नाव आहे. सूर्यनगर येथील दिगंबर गुरव यांच्या घरी चोरी झाल्याचे दि. 30 डिसेंबर रोजी उघडकीस आले होते. याबाबत विटा पोलीस ठाण्यात नोंद करण्यात आली होती. यातील चोरट्याना पकडण्यासाठी एलसीबीचे पोलीस निरीक्षक संजीव झाडे यांनी सहायक निरीक्षक सिकंदर वर्धन यांचे पथक तयार केले होते.
पथक चोरट्यांचा शोध घेत असताना ही चोरी आमणापूर येथील सदामते याने केल्याची तसेच तो तासगाव ते कुमठे फाटा येथे फिरत असल्याची माहिती पथकाला मिळाली. पथकाने तेथे जाऊन त्याला ताब्यात घेऊन तपासणी केल्यावर त्याच्याजवळ दागिने सापडले. त्याबाबत कसून चौकशी केल्यावर त्याने चोरीची कबुली दिली. त्याच्याकडून दागिने, मोपेड (एमएच १० ई एच १८९४) असा 2.20 लाखांचा मुद्देमाल जप्त करण्यात आला. त्याला विटा पोलिसांच्या ताब्यात देण्यात आले आहे.
एलसीबीचे पोलीस निरीक्षक संजीव झाडे यांच्या मार्गदर्शनाखाली सहायक निरीक्षक सिकंदर वर्धन, हणंमत लोहार, संजय पाटील, सुर्यकांत सांळुखे, अतुल माने, शिवाजी शिद, अभिजीत ठाणेकर, प्रमोद साखरपे, सुनिल जाधव, सोमनाथ पतंगे, रोहन घस्ते, सायबर पोलीस ठाण्याचे अजय पाटील, अभिजीत पाटील यांच्या पथकाने ही कारवाई केली.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
