मिरज परिसरात ४० लाखांची चांदी जप्त..!
जिल्हा परिषद व पंचायत समिती निवडणुकीच्या पार्श्वभूमीवर सुरू असलेल्या तपासणीत कळंबी (ता. मिरज) येथे महसूल विभाग व पोलिसांच्या संयुक्त पथकाने महामार्गावर सुमारे १५ किलो चांदी जप्त केली. या चांदीची अंदाजे किंमत ४० लाख रुपये आहे. आचारसंहितेमुळे महसूल व पोलिस
विभागामार्फत महामार्गावर वाहनांची कसून तपासणी करण्यात येत आहे. गुरुवारी
दुपारी कळंबी परिसरात एका मोटारीची तपासणी करताना १५ किलो चांदी मिळून आली.
हुपरी (जि. कोल्हापूर) येथून चांदी घेऊन आलेल्या संबंधित व्यक्तीस चांदी व
मोटारीसह ताब्यात घेण्यात आले. मिरज ग्रामीण पोलिस ठाण्यात रात्री
उशिरापर्यंत त्याची चौकशी सुरू होती. ही चांदी हुपरी येथून सोलापूरकडे
व्यापारासाठी नेली जात असल्याचे संबंधिताने सांगितले, मात्र याबाबत जीएसटी
विभागामार्फत खरेदीची बिले व इतर कागदपत्रांची छाननी सुरू असल्याची माहिती
पोलिस अधिकाऱ्यांनी दिली.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
