19 फेब्रुवारीला लग्न अन् 22 मार्चला लग्नात आलेल्या व्हिडीओग्राफरसोबत डॉक्टरची बायको पळाली....,काय घडलं?
एका डॉक्टरच्या आयुष्यात लग्नानंतर अवघ्या काही दिवसांतच असा काही भूकंप येईल, याची कल्पनाही कोणी केली नव्हती. 19फेब्रुवारी रोजी या डॉक्टरने अत्यंत आनंदाने आणि मोठ्या थाटामाटात लग्न करून आपल्या आयुष्याची नवीन सुरुवात केली होती. मात्र, 22मार्च रोजी त्यांच्या नशिबाने अशी काही कलाटणी घेतली की त्यांच्या पायाखालची जमीनच सरकली.
ज्या पत्नीला त्यांनी आयुष्यभराची साथ देण्याचे वचन देऊन घरात आणले होते, तीच पत्नी आपल्या जुन्या प्रियकरासोबत पसार झाली. धक्कादायक बाब म्हणजे, हा प्रियकर दुसरा कोणी नसून डॉक्टरच्या लग्नात व्हिडीओग्राफी करण्यासाठी आलेला तरुण होता. कॅमेऱ्याच्या लेन्समागून संसाराचे आनंदी क्षण टिपणारा हा तरुण प्रत्यक्षात डॉक्टरचा संसार उधळण्यासाठीच तिथे आला होता की काय, असा प्रश्न आता उपस्थित होत आहे.
डॉक्टरने पोलिसांत दिलेल्या तक्रारीत आपल्या पत्नीवर गंभीर आरोप केले आहेत. त्यांनी सांगितले की, ज्या वीडियोग्राफरने त्यांच्या लग्नाचे चित्रीकरण केले होते, तोच त्यांच्या पत्नीचा प्रियकर निघाला. २२ मार्चच्या रात्री तीन तरुण एका गाडीतून डॉक्टरच्या घरी आले आणि त्यांच्या पत्नीला सोबत घेऊन गेले. या घटनेनंतर डॉक्टरने आपल्या पत्नीचा नातेवाईकांकडे आणि आजूबाजूच्या परिसरात सर्वत्र शोध घेतला, मात्र तिचा कुठेही पत्ता लागला नाही. जेव्हा त्यांनी घरी येऊन कपाट तपासले, तेव्हा त्यांना आणखी एक मोठा धक्का बसला. पत्नी जाताना केवळ एकटीच गेली नाही, तर घरातील सोन्या-चांदीचे दागिने आणि मोठी रोकडही सोबत घेऊन गेली आहे. यामुळे डॉक्टरला केवळ मानसिकच नाही, तर मोठा आर्थिक फटकाही बसला असून त्यांच्या संसाराचा अक्षरशः खेळखंडोबा झाला आहे. उत्तर प्रदेशातील बांदा जिल्ह्यातील हा प्रकार घडलाय.
पोलिसांकडून गुन्हा दाखल; फरार नवरी आणि व्हिडिओग्राफरचा शोध सुरू या प्रकरणाचे गांभीर्य ओळखून कालिंजर पोलीस ठाण्याचे वरिष्ठ पोलीस अधिकारी सुखराम सिंह यांनी या घटनेची सखोल चौकशी सुरू केली आहे. प्राथमिक तपासात असे समोर आले आहे की, जो तरुण नवरीला घेऊन गेला आहे, तो व्यवसायाने वीडियोग्राफर असून त्यानेच डॉक्टरच्या लग्नात शूटिंग केले होते. कदाचित लग्नापूर्वीपासूनच त्या दोघांचे प्रेमसंबंध असावेत किंवा लग्नाच्या शूटिंग दरम्यान त्यांची जवळीक वाढली असावी, असा संशय पोलिसांना आहे. डॉक्टरच्या फिर्यादीवरून पोलिसांनी तीन तरुणांविरुद्ध गुन्हा दाखल केला असून त्यांच्या शोध घेण्यासाठी पथके रवाना करण्यात आली आहेत. भर लग्नात ज्याने आनंदाचे क्षण चित्रीत केले, त्यानेच असा डाव साधल्यामुळे संपूर्ण बांदा परिसरात या लग्नाची आणि पळून गेलेल्या नवरीची मोठी चर्चा रंगली आहे.
सध्या पोलीस तांत्रिक पुराव्यांच्या आधारे आणि मोबाईल लोकेशनच्या मदतीने आरोपींचा शोध घेत आहेत. ज्या गाडीतून नवरीला नेण्यात आले, त्या गाडीचा क्रमांक आणि मालकाचा शोध घेण्याचे प्रयत्न सुरू आहेत. महिनाभराच्या सुखी संसारानंतर अचानक उद्भवलेल्या या संकटामुळे डॉक्टर आणि त्यांचे कुटुंब प्रचंड मानसिक दडपणाखाली आहे. ज्या प्रेमाने आणि विश्वासाने त्यांनी या मुलीला घरात स्थान दिले होते, तिनेच असा विश्वासघात केल्यामुळे सर्वत्र हळहळ व्यक्त होत आहे. कालिंजर पोलिसांनी दिलेल्या माहितीनुसार, या प्रकरणातील सर्व आरोपींना लवकरच बेड्या ठोकल्या जातील आणि चोरीला गेलेला मुद्देमाल हस्तगत केला जाईल. या अजब प्रेम कहाणीचा शेवट आता पोलीस कोठडीत होण्याची शक्यता आहे.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
