Big Breaking! साऊथ सुपरस्टार विजय अडचणीत! ५,००० समर्थकांसह 'थलपती'वर गुन्हा दाखल!
तमिळनाडूमध्ये निवडणूक आचारसंहितेचे उल्लंघन केल्याप्रकरणी तमिळगा वेत्री कळघम (TVK) पक्षाचे प्रमुख विजय यांच्याविरोधात पेरम्बलूर पोलीस ठाण्यात गुन्हा दाखल करण्यात आला आहे. मंगळवारी ही कारवाई करण्यात आली असून या प्रकरणात विजय यांच्यासह सुमारे ५,००० पक्ष कार्यकर्त्यांनाही आरोपी करण्यात आले आहे.
फ्लाईंग स्कॉड अधिकारी कुमार यांनी दिलेल्या तक्रारीनुसार, सार्वजनिक सभेदरम्यान निवडणूक आचारसंहितेचे उल्लंघन झाल्याचा आरोप आहे. सभेत सुमारे ३० लाऊडस्पीकरचा वापर करण्यात आला होता. तसेच या कार्यक्रमाला ५,००० हून अधिक लोकांची उपस्थिती होती, ज्यामुळे परिसरात मोठी गर्दी झाली आणि नागरिकांची गैरसोय झाली होती.
तक्रारीत पुढे नमूद करण्यात आले आहे की, या गर्दीमुळे सार्वजनिक मार्ग अडवला गेला. इतकेच नव्हे तर एका रुग्णवाहिकेचा मार्गही रोखला गेला असल्याचे सांगण्यात आले आहे. त्यामुळे सार्वजनिक सुरक्षेचा प्रश्न निर्माण झाल्याचे अधिकाऱ्यांनी म्हटले आहे.या तक्रारीच्या आधारे पेरम्बलूर पोलिसांनी बेकायदेशीर गर्दी जमवणे आणि सार्वजनिक मार्ग अडवणे यांसारख्या गुन्ह्याखाली एकूण पाच कलमांनुसार गुन्हा नोंदवला आहे. पोलिसांकडून पुढील तपास सुरू आहे. दरम्यान, विजय यांनी नुकतीच पेरंबूर आणि त्रिची पूर्व या मतदारसंघांतून निवडणूक लढवण्याची घोषणा केली आहे. त्यांच्या या निर्णयामुळे राज्यातील राजकीय समीकरणांमध्ये हालचाल झाली आहे.
तमिळनाडूमध्ये २३ एप्रिल रोजी एकाच टप्प्यात मतदान होणार आहे, तर ४ मे रोजी मतमोजणी पार पडणार आहे. निवडणुकीच्या पार्श्वभूमीवर आचारसंहितेचे काटेकोर पालन करण्याचे आवाहन प्रशासनाकडून करण्यात येत असताना या घटनेमुळे राजकीय वातावरण अधिक तापण्याची शक्यता व्यक्त केली जात.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
