पुनर्परीक्षेचा मोठा निर्णय: १० वी, १२ वीच्या विद्यार्थ्यांसाठी ‘गोल्डन चान्स’

पुनर्परीक्षेचा मोठा निर्णय: १० वी, १२ वीच्या विद्यार्थ्यांसाठी ‘गोल्डन चान्स’

महाराष्ट्र राज्य माध्यमिक व उच्च माध्यमिक शिक्षण मंडळाने (MSBSHSE) दहावी आणि बारावीच्या विद्यार्थ्यांसाठी एक अत्यंत दिलासादायक बातमी दिली आहे. ज्या विद्यार्थ्यांना काही कारणास्तव नियमित शाळेत किंवा महाविद्यालयात जाऊन शिक्षण पूर्ण करता आले नाही, अशा शाळाबाह्य विद्यार्थ्यांसाठी 'फॉर्म नंबर 17' भरून खाजगीरीत्या परीक्षा देण्याची सुवर्णसंधी उपलब्ध झाली आहे. जून-जुलै 2026 मध्ये होणाऱ्या पुरवणी आणि खाजगी परीक्षेसाठी आता नावनोंदणी प्रक्रियेला वेग आला आहे.

नावनोंदणीसाठी ऑनलाइन पद्धतीचा वापर

राज्य मंडळाचे सचिव डॉ. दीपक माळी यांनी जाहीर केलेल्या परिपत्रकानुसार, यंदा ही नोंदणी प्रक्रिया पूर्णपणे ऑनलाइन पद्धतीने राबवली जाणार आहे. खाजगी विद्यार्थी म्हणून परीक्षा देऊ इच्छिणाऱ्या उमेदवारांना mahahsscboard.in या अधिकृत संकेतस्थळावर जाऊन आपला अर्ज सादर करावा लागेल. ऑनलाइन रजिस्ट्रेशन पूर्ण झाल्याशिवाय कोणत्याही विद्यार्थ्याला परीक्षेला बसण्याची परवानगी दिली जाणार नाही.

नोंदणी कशी करावी? (प्रक्रिया आणि मार्गदर्शक तत्त्वे)

अधिकृत संकेतस्थळ: विद्यार्थ्यांना नोंदणी करण्यासाठी मंडळाच्या mahahsscboard.in या अधिकृत संकेतस्थळाचा वापर करायचा आहे.

शाळा आणि महाविद्यालयांची निवड: नावनोंदणी करताना विद्यार्थ्यांना त्यांच्या सध्याच्या पत्त्यानुसार जिल्हा निवडावा लागेल. त्यानंतर निवडलेल्या माध्यमाच्या आणि शाखेच्या आधारावर त्यांना उपलब्ध असलेल्या शाळा किंवा कनिष्ठ महाविद्यालयांची यादी दिसेल. त्या यादीतून कोणत्याही एका संस्थेची निवड विद्यार्थ्याला करायची आहे. 

शुल्क भरणा: नोंदणी शुल्क देखील ऑनलाइन पद्धतीनेच भरायचे आहे. यशस्वी पेमेंट झाल्यानंतर त्याची पावती विद्यार्थ्याला स्वतःच्या लॉगिनमध्ये उपलब्ध होईल.

अर्ज भरताना या गोष्टींचे भान ठेवा

फॉर्म भरताना विद्यार्थ्यांना काही तांत्रिक बाबींची पूर्तता करावी लागणार आहे. शाळा आणि महाविद्यालय निवडण्यासाठी नाव नावनोंदणी करताना विद्यार्थ्यांना त्यांच्या सध्याच्या पत्त्यानुसार जिल्हा, परीक्षेचे माध्यम आणि शाखा (कला, वाणिज्य, विज्ञान) निवडायची आहे. ही माहिती भरल्यानंतर संबंधित भागातील शाळा किंवा कनिष्ठ महाविद्यालयांची यादी स्क्रीनवर दिसेल. त्यातून अटी आणि शर्तींनुसार एका केंद्राची निवड करणे अनिवार्य आहे.

शुल्क आणि पावती ऑनलाइन

या परीक्षेसाठी लागणारे नोंदणी शुल्क केवळ ऑनलाइन पद्धतीनेच स्वीकारले जाईल. शुल्क भरल्यानंतर त्याची अधिकृत पावती विद्यार्थ्याच्या लॉगिन आयडीमध्ये उपलब्ध करून दिली जाणार आहे. ही पावती भविष्यातील संदर्भासाठी आणि ओळखपत्रासाठी जतन करून ठेवणे आवश्यक आहे.

कोणासाठी आहे ही संधी?

ही विशेष संधी प्रामुख्याने शाळाबाह्य विद्यार्थ्यांसोबतच, अनेक विद्यार्थी विविध कारणांमुळे मुख्य परीक्षेला मुकतात किंवा वेळेत नोंदणी करू शकले नव्हते, त्यांच्यासाठी उपलब्ध करून देण्यात आली आहे. यामुळे अशा विद्यार्थ्यांचे एक महत्त्वाचे शैक्षणिक वर्ष वाया जाण्यापासून वाचणार आहे. जून-जुलैच्या या परीक्षेसाठी जे विद्यार्थी खासगी उमेदवार म्हणून नोंदणी करतील, त्यांना पुढील उच्च शिक्षणासाठी वेळेत प्रवेश मिळणे सुलभ होणार आहे.

हजारो विद्यार्थ्यांना मोठा दिलासा

पात्र विद्यार्थ्यांनी मंडळाच्या सूचनांचे पालन करावे आणि शेवटच्या क्षणाची वाट न पाहता आपली नोंदणी प्रक्रिया त्वरित पूर्ण करावी, मुदतीमध्ये आपला 'फॉर्म १७' भरून परीक्षेची तयारी सुरू करावी, असे आवाहन शिक्षण मंडळाकडून करण्यात आले आहे. या निर्णयामुळे हजारो विद्यार्थ्यांना पुन्हा एकदा आपल्या करिअरला आकार देण्याची सुवर्णसंधी मिळाली आहे. अधिक माहिती किंवा तांत्रिक अडचणींसाठी विद्यार्थ्यांनी मंडळाच्या अधिकृत संकेतस्थळावर वेळोवेळी भेट देऊन अपडेट्स तपासण्याचा सल्ला देण्यात आला आहे.

➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.