"बँकिंग क्षेत्रात खळबळ: महाराष्ट्रातील बड्या बँकेत कोट्यवधींचा घोटाळा उघड; तुमची ठेव सुरक्षित आहे का? सविस्तर वाचा"

"बँकिंग क्षेत्रात खळबळ: महाराष्ट्रातील बड्या बँकेत कोट्यवधींचा घोटाळा उघड; तुमची ठेव सुरक्षित आहे का? सविस्तर वाचा"

राज्यात यापूर्वे देखील काही बँकांमध्ये घोटाळा झाल्याची प्रकरणं घडली आहे. या बँकांवर आरबीआयकडून कारवाई देखील करण्यात आली. बँकेत घोटाळा झाल्यास ठेवीदारांची चिंता वाढते, काही प्रकरणात तर आरबीआयने कारवाई केल्यामुळे अनेक ठेवीदारांना आपल्याच हक्काचे पैसे मिळण्यासाठी देखील अनेक महिने वाट पहावी लागते. 

यामुळे ठेवीदारांची मोठी गौरसोय होते. गेल्या दोन ते तीन वर्षांमध्ये काही बँका आणि पतसंस्थांमध्ये मोठे घोटाळे झाल्याच्या घटना घडल्या आहेत. दरम्यान त्यानंतर आता आशीच एक घटना समोर आली आहे. ही घटना समोर येताच ठेवीदारांमध्ये भीतीचं वातावरण निर्माण झालं आहे. जालन्याच्या बदनापूर शहरातील कॅनरा बँकेत 7.31 कोटी रुपयांचा घोटाळा झाल्याचा धक्कादायक प्रकार समोर आला आहे.

सोन्याच्या दागिन्यांची चोरी आणि बनावट सोने ठेवून 7 कोटी 31 लाख रुपयांची बँकेची फसवणूक करण्यात आली आहे. यामुळे मोठी खळबळ उडाली आहे. या प्रकरणात बदनापूर पोलीस ठाण्यात तिघांविरोधात गुन्हा दाखल करण्यात आला आहे. यापैकी बँक मॅनेजर आणि सुवर्णकाराला ताब्यात घेण्यात आलं आहे, तर आणखी एक जण फरार असून त्याचा शोध सुरू असल्याची माहिती पोलिसांकडून देण्यात आली आहे.

घटनेबाबत अधिक माहिती अशी की, जालन्यातील मर्चंट बँक आणि पूर्णवादी बँकेतील घोटाळा प्रकरण ताजं असतानाच दुसरीकडे जिल्ह्यातील बदनापूर शहरात देखील कॅनरा बँकेत 7 कोटी 31 लाख रुपयांचा अपहार झाल्याचा धक्कादायक प्रकार समोर आलाय. याप्रकरणी बदनापूर पोलीस ठाण्यात बँक मॅनेजर सुवर्णकार आणि इतर एक अधिकारी यांच्या विरोधात गुन्हा दाखल करण्यात आला असून बदनापूर पोलिसांनी बँक मॅनेजर आणि सुवर्णकाराला अटक केली असून एक जण फरार आहे.

कॅनरा बँकच्या या शाखेत सोन्याच्या दागिन्यांची चोरी आणि बनावट सोने ठेवून बँकेची 7 कोटी 31 लाख रुपयांची फसवणूक करण्यात आली आहे, बँकेच्या धोरणानुसार सुरू असलेल्या त्रैमासिक पुनर्मूल्यांकन प्रक्रियेदरम्यान हा संपूर्ण घोटाळा उघडकीस आला आहे. सुवर्णकार प्रवीण बुऱ्हाडे याने बनावट सोन्याला खरे सोने असल्याचे प्रमाणित करून बँकेची फसवणूक करण्यात साथ दिली असल्याचंही समोर आलं आहे. दरम्यान या सगळ्या प्रकरणाची सखोल चौकशी पोलिसांकडून करण्यात येत असून, यामध्ये अजून काही जण सामील असल्याचा अंदाज पोलिसांकडून व्यक्त करण्यात आला आहे.

➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.