"अधीक्षकांचा पगार चिल्लर, कारकुनाची माया 'चौपाट'! प्रवीण अण्णांच्या करोडोंच्या साम्राज्यावर आता आयकर विभागाची नजर!"
मोठ्या साहेबांचा पगार 'चिल्लर', कारकुनाची माया 'चौपाट'! भ्रष्टाचाराच्या सिंहासनावर बसलेल्या 'प्रवीण अण्णा'चे धाबे दणाणले; आता थेट आयकर विभागाचा 'सर्जिकल स्ट्राईक'! सरकारी तिजोरीवर डल्ला मारणारे आणि नियमांची होळी करून स्वतःचे साम्राज्य उभे करणारे भ्रष्ट अधिकारी आता सुटणार नाहीत. राज्य उत्पादन शुल्क विभागातील उच्चपदस्थ अधीक्षकांच्या पगारापेक्षाही चारपट जास्त कमाई करणाऱ्या 'प्रवीण अण्णा' नावाच्या एका कारकुनाने भ्रष्टाचाराचा जो कळस गाठला आहे, त्याने संपूर्ण प्रशासकीय वर्तुळात खळबळ माजली आहे. एका सामान्य कारकुनाकडे करोडोंची अघोषित मालमत्ता आली कुठून? हा प्रश्न आता यक्षप्रश्न उरला नसून, तो आयकर विभागाच्या तपासाचा मुख्य केंद्रबिंदू ठरला आहे.
नियमांची पायमल्ली आणि 'अर्थपूर्ण' कारकूनगिरी
शासकीय खुर्चीचा वापर लोकसेवेसाठी करायचा असतो, मात्र प्रवीण अण्णांनी याच खुर्चीचा वापर 'माया' जमवण्यासाठी केला. शासनाने नेमलेले वरिष्ठ अधिकारी केवळ नावापुरतेच उरले असून, पडद्यामागून सर्व सूत्रे हा 'अण्णा' हलवत असल्याची चर्चा आहे. शासनाचे सर्व नियम धाब्यावर बसवून, फाईलींचा निपटारा केवळ आणि केवळ 'अर्थपूर्ण' व्यवहारांसाठीच केला गेला. ज्या फाईलला हात लावला, तिथे लाखांच्या बोली लावल्या गेल्याचा खळबळजनक आरोप आता होत आहे.
अघोषित श्रीमंतीचा 'गड' आता कोसळणार?
एका सामान्य कारकुनाचा पगार किती आणि त्याची राहणीमान कशी? याचं साधं गणितही प्रवीण अण्णांच्या बाबतीत जुळत नाही. एका बाजूला प्रामाणिक कर्मचारी आपल्या हक्काच्या पगारासाठी संघर्ष करत असताना, दुसरीकडे प्रवीण अण्णांनी भ्रष्टाचाराच्या माध्यमातून 'आवाच्या सव्वा' पैसे मिळवून करोडोंचे साम्राज्य उभे केले आहे. आलिशान गाड्या, बेनामी मालमत्ता आणि ऐशोआरामाचे हे डोंगर आता आयकर विभागाच्या रडारवर आले आहेत.
आयकर विभागाचा फास आवळला!
मिळालेल्या गोपनीय माहितीनुसार, प्रवीण अण्णांच्या सर्व व्यवहारांची कुंडली आता आयकर विभागाने (Income Tax Department) काढायला सुरुवात केली आहे. लवकरच या प्रकरणाचा मोठा स्फोट होण्याची शक्यता आहे. "ही माया नेमकी कशी जमवली?" या प्रश्नाचे उत्तर शोधण्यासाठी यंत्रणांनी आता कंबर कसली आहे. केवळ प्रवीण अण्णाच नाही, तर त्यांना अभय देणारे 'वरदहस्त' कोणाचे आहेत, हे शोधणे देखील महत्त्वाचे ठरणार आहे."सामान्य माणसाच्या घामाचा पैसा ओरबाडून स्वतःची घरं भरणाऱ्या अशा भ्रष्ट प्रवृत्तींना आता त्यांची जागा दाखवण्याची वेळ आली आहे. सरकारी तिजोरीवर पडलेला हा दरोडा उघड झाल्याशिवाय राहणार नाही!" आता पाहण्यासारखे हे ठरेल की, आयकर विभागाच्या या 'रडार' मधून प्रवीण अण्णा स्वतःला वाचवू शकतात की त्यांच्या भ्रष्टाचाराचा हा बुरूज पत्त्यांसारखा कोसळतो!
क्रमश......
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
