मिरज राज्य उत्पादन शुल्क विभागात ‘झिरो’ झाले ‘हिरो’; प्रवीण आणि हरी च्या इशाऱ्यावर चालतोय जिल्ह्याचा कारभार!:, प्रवीणचा गॉडफादर कोण?
मिरज: राज्य उत्पादन शुल्क विभागात सध्या एका वेगळ्याच ‘पॉवर गेम’ची चर्चा रंगली आहे. एकेकाळी पडद्यामागे असलेले दोन चेहरे आज विभागाचे सर्वेसर्वा बनले आहेत. मिरज उत्पादन शुल्क विभागात हरि आणि प्रवीण नावाच्या दोन व्यक्तींनी असा काही जम बसवला आहे की, संपूर्ण जिल्ह्याचा आणि तालुक्याचा कारभार आता यांच्याच भोवती फिरताना दिसत आहे.
दोघांचीच ‘हुकूमत’, प्रशासकीय अधिकारी नावालाच?
मिळालेल्या माहितीनुसार, मिरज उत्पादन शुल्क विभागाचा पूर्ण कारभार सध्या हरि आणि प्रवीण या जोडीच्या हातात एकवटला आहे. विशेष म्हणजे:हरि हा मिरज विभागाचा ‘हिरो’ म्हणून मिरवत असून तालुक्याची सर्व सूत्रे त्याच्याकडे आहेत.प्रवीण याने जिल्ह्याचा ‘हिरो’ म्हणून आपली पकड मजबूत केली आहे.विभागातील कोणताही मोठा प्रस्ताव असो किंवा महत्त्वाची फाईल, हरि आणि प्रवीण यांच्या ‘ग्रीन सिग्नल’शिवाय पुढे सरकत नाही, अशी परिस्थिती निर्माण झाली आहे. एकेकाळी ‘झिरो’ मानले जाणारे हे दोघे अचानक इतके प्रभावशाली कसे झाले, असा प्रश्न आता उपस्थित होत आहे.
गॉडफादर नेमका कोण? जनतेचा सवाल
सरकारी यंत्रणेत अधिकृत अधिकाऱ्यांपेक्षा या दोघांचाच शब्द अंतिम मानला जात असल्याने सामान्य जनता आणि प्रामाणिक कर्मचाऱ्यांमध्ये संतापाचे वातावरण आहे. जिल्ह्याचा कोणताही मोठा व्यवहार किंवा प्रस्ताव या दोघांच्या संमतीशिवाय पूर्ण होत नसल्याने, "या हरि आणि प्रवीणचा ‘गॉडफादर’ नेमका कोण?" असा खडा सवाल आता मिरजची जनता विचारत आहे.
"एका बाजूला पारदर्शक कारभाराच्या गप्पा मारल्या जातात, तर दुसऱ्या बाजूला राज्य उत्पादन शुल्क विभागाची सूत्रे हरि आणि प्रवीण या दोन खाजगी खेळाडूंच्या हातात कशी? या दोघांना अभय देणारा मोठा हात नेमका कुणाचा?" आता या प्रकरणाची सखोल चौकशी होऊन मिरज राज्य उत्पादन शुल्क विभागातील ही ‘हिरोगिरी’ रोखली जाणार का, याकडे सर्वांचे लक्ष लागले आहे.
क्रमश......
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
