धक्कादायक! खरात प्रकरणात आता 'शिजूका-नॉडी'ची एन्ट्री; एका दाव्याने अख्ख्या महाराष्ट्राचं राजकारण हादरलं!
स्वयंघोषित कॅप्टन अशोक खराने असंख्य महिलांना फसवून त्यांचे लैंगिक शोषण केलं, त्याचे व्हिडीओही बनवले. मार्च 18 ला अटक झालेल्या अशोक खरातच्या SIT (विशेष तपास पथक) चौकशीतून बरीच धक्कादायक माहिती दिवसेंदिवस समोर येत असून त्याने अख्खं राज्य हादरलं आहे.
तुरूंगाच्या गजाआड असलेल्या खरातने श्रद्धेचा गैरवापर करत अनेकांना फसवलं, लुबाडलं, महिलांना ऑफीसमध्ये बोलावून, वर्षोनुवर्षे त्यांचं लैंगिक शोषण केला. हा सगळा प्रकार त्याच्या ऑफीसच्या सीसीटीव्हीमध्येही कैद व्हायचा. त्याच्या अश्लील कृत्यांचा आणि काळ्या कारनाम्यांचा रोज पर्दाफाश होत असून त्याने दिलेली माहिती ऐकून पोलिसही चक्रावलेत.
याच खरातने आता स्वतःबाबतच मोठी भविष्यवाणी केली आहे. सूत्रांनी दिलेल्या माहितीनुसार, अशोक खरातने स्वत:चे भविष्य सांगताना "माझं मरण इथेच आहे" असे म्हटलं. पोलिस कोठडीत तो सुरक्षित नसल्याचा दावा आत्तापर्यंत अनेकांनी केला आहे, आता त्यालाही आपण इथून बाहरे पडू शकणार नसल्याचं वाटायला लागलंय असं खरातच्या या बोलण्यातून दिसतंय.
शिजूका नॉडी कोण ?
दरम्यान आता या प्रकरणात सामाजिक कार्यकर्त्या अंजली दमानिया यांनी मोठं विधान केलं आहे. भोंदू खरात प्रकरणात “शिजूका नॉडी ” या एका नावाचे असंख्य फोन कॉल्स आले आहेत,असा दावा दमानिया यांनी केला आहे. भोंदू अशोक खरातने शिजूका नॉडी नाव ठेवून लोकांना मास्क केलंय. यामागे मोठे लोक आहेत , इनकमिंग आऊट गोइंग आहे असा दणदणीत आरोप दमानिया यांनी केला आहे. तसेच रुपाली चाकणकरांचे त्यावा 177 कॉल्स आहेत याचा पुनरुच्चार करतानाच त्यांना अद्याप समन्स नाही, चाकणकर यांनी त्याला एवढे कॉल का केले, असा सवालही दमानिया यांनी उपस्थित केला.
खरातच्या जीवाला धोका
सध्याचं राजकारण विचित्र आहे. अशोक खरात याच्या जीवाला धोका आहे, त्याने हे कोठडीत असतानाच विधान केलंय. त्यामुळे आता आम्हाला अशी धास्ती वाटत्ये की, हे सगळं मिटवण्यासाठी त्याला संपवलं जाऊ शकतं, असं दमानिया म्हणाल्या. गोष्टी, बरीच माहिती बाहेर येऊ नये यासाठी खरातच्या जीवनाचं बरं वाईट होईल, असं म्हणत त्यामुळे खरातला प्रोटेक्शन द्यावं अशी मागणीही दमानिया यांनी केली आहे.
अजित दादांच्या घराबाहेर ब्लॅक मॅजिक
दिवंगत नेते अजित पवार यांच्या घराबाहेर 18 नोव्हेंबरला ब्लॅक मॅजिकचा प्रकार समोर आला होता, त्यावर मी सध्या लक्ष केंद्रीत केलं आहे, असं दमानिया म्हणाल्या. खरात प्रकरणात प्रतिभा चाकणकर यांचा रोल काय त्याची माहिती घेत असल्याचंही दमानिया यांनी सांगितलं आहे.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
