Big Breaking! महानगरपालिकेत ३०० कोटींच्या कर्जाचा 'काँक्रीट' घाट; भाजपच्या लूटमारीचा प्लॅन विरोधकांनी उधळला!
सांगली महानगरपालिकेच्या तिजोरीवर डल्ला मारण्याचा सत्ताधारी भाजपचा एक मोठा कट उघडकीस आला असून, शहरात सध्या राजकीय भूकंप झाला आहे. हायब्रीड अॅन्युइटी मॉडेल (HAM) अंतर्गत ३०० कोटी रुपयांचे कर्ज काढून काँक्रीट रस्त्यांचा घाट घालणाऱ्या भाजप पदाधिकारी आणि प्रशासनाच्या मनसुब्यांचा विरोधी पक्षनेते मंगेश चव्हाण यांनी पर्दाफाश केला आहे. भाजपच्या एका 'नव्या चाणक्या'ने हे ३०० कोटी हडप करण्याचा मास्टर प्लॅन आखल्याचा खळबळजनक आरोप चव्हाण यांनी केला आहे.
काय आहे नेमकं प्रकरण?
सत्ताधारी भाजपने प्रशासनाला हाताशी धरून 'हॅम' (HAM) तत्त्वावर ३०० कोटींचे कर्ज काढून रस्ते विकास करण्याचा प्रस्ताव समोर आणला आहे. मात्र, हा प्रकल्प म्हणजे शहराचा विकास नसून केवळ कंत्राटदारांचे खिसे भरण्यासाठी आणि कमिशन मिळवण्यासाठी रचलेले हे कारस्थान असल्याचा दावा विरोधकांनी केला आहे. मंगेश चव्हाण यांनी पुराव्यांसह या 'प्लॅन'वर हल्ला चढवला असून, भाजपचा हा नवा चेहरा जनतेला लुटायला निघाल्याची टीका केली आहे.
विरोधकांची वज्रमुठ; सत्ताधाऱ्यांना घेरले!
भाजपच्या या भ्रष्टाचारी भूमिकेविरोधात शहरातील प्रमुख विरोधी पक्ष आता रस्त्यावर उतरले आहेत. केवळ काँग्रेसच नाही, तर राष्ट्रवादी काँग्रेस (शरद पवार गट) आणि शिवसेना (उद्धव बाळासाहेब ठाकरे) यांनीही या मुद्द्यावर आक्रमक पवित्रा घेतला आहे. युवराज गायकवाड (गटनेते, राष्ट्रवादी - शरद पवार गट): "शहराला कर्जाच्या खाईत ढकलून आपली घरे भरणाऱ्या सत्ताधाऱ्यांना जनता माफ करणार नाही. आम्ही हा डाव हाणून पाडू." युवराज बावडेकर (गटनेते, शिवसेना): "विकासाच्या नावाखाली सुरू असलेली ही लूट थांबवण्यासाठी शिवसेना काँग्रेससोबत खांद्याला खांदा लावून आंदोलनात उतरणार."
आंदोलनाचे रणशिंग!
काँग्रेसच्या नेतृत्वाखाली होणाऱ्या या मोठ्या आंदोलनात आता राष्ट्रवादी आणि शिवसेनेचे गटनेते सामील झाल्यामुळे सत्ताधारी भाजपची कोंडी झाली आहे. ३०० कोटींच्या या कथित भ्रष्टाचाराच्या प्रकरणाने महापालिकेचे राजकारण पूर्णपणे ढवळून निघाले असून, आगामी काळात हा संघर्ष अधिक तीव्र होण्याची चिन्हे आहेत."हा विकास नाही, तर विनाश आहे. कर्जाचा डोंगर उभा करून भाजपचे पदाधिकारी स्वतःची मलिदा गँग पोसत आहेत. हा ३०० कोटींचा घाट आम्ही कोणत्याही परिस्थितीत पूर्ण होऊ देणार नाही!"— मंगेश चव्हाण, विरोधी पक्षनेते
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
