धम्मयात्रेची सुवर्णसंधी! राज्य सरकारकडून 'बौद्ध गया दर्शन' मोफत; प्रवास, राहणं आणि जेवणही फुकट!
राज्य सरकारच्या सामाजिक न्याय विभागाच्या वतीने एक मोठा निर्णय घेण्यात आला आहे. "बौद्ध तीर्थक्षेत्र विशेष रेल्वे यात्रा - बौद्ध गया दर्शन" कार्यक्रमाचे आयोजन करण्यात आले आहे. ही पवित्र यात्रा मंत्री संजयजी शिरसाट यांच्या नेतृत्वात आयोजित करण्यात आली आहे. भगवान गौतम बुद्धांच्या पावन भूमीचे दर्शन घेण्याची सुवर्णसंधी आता भाविकांना उपलब्ध होणार आहे. या यात्रेसाठी छत्रपती संभाजीनगर, नागपूर, दादर (मुंबई) येथून विशेष रेल्वे व्यवस्था करण्यात आली आहे.
यात्रेदरम्यान भाविकांसाठी आरामदायी रेल्वे प्रवास, निवास व्यवस्था, भोजन व्यवस्था, स्थानिक पर्यटन व दर्शन व्यवस्था अशा सर्व सोयी उपलब्ध करून देण्यात आल्या आहेत. बुद्धांच्या शांतता, समता आणि मानवतेच्या संदेशाला अभिवादन करत, अधिकाधिक नागरिकांनी या पवित्र यात्रेचा लाभ घ्यावा, असे आवाहन सरकारकडून करण्यात आले आहे.एकूण तीन टप्प्यांत ही बौद्ध गया दर्शन यात्रा सुरू होणार आहे. पहिला टप्पा 15 मे रोजी सुरू होईल. दुसरा टप्पा 25 मे रोजी सुरू होईल. तर तिसरा टप्पा 3 जून रोजी सुरू होईल. पहिला टप्पा हा छत्रपती संभाजीनगर ते बौद्ध गया अले. दुसरा टप्पा नागपूर ते बौद्ध गया असा असेल तर तिसरा टप्पा दादर (मुंबई) ते बौद्ध गया असा असेल. या प्रवासादरम्यान निवास, भोजन तसेच रेल्वे प्रवास मोफत असेल.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
