तुकाराम मुंढेंचा पतंजलीला 'महादणका'! फसव्या जाहिरातींप्रकरणी ७३ लाखांचा औषध साठा जप्त; रामदेवांना मोठा झटका
अन्न व औषध प्रशासन विभागात आयुक्तपदाची जबाबदारी स्विकारल्यानंतर प्रशासकीय अधिकारी तुकाराम मुंढे यांनी आपल्या कार्यपद्धतीनं प्रमाणं धडाक्यात कामकाजाला सुरुवात केली आहे. दोन दिवसांपूर्वी पदभार स्विकारल्यानंतर लगेचच त्यांनी औषधं, दुध, खाद्यापदार्थ यांच्या भेसळीवर चाप बसवला आहे. अनेक ठिकाणी छापेमारी करुन ३३ जणांना अटकेची कारवाईही झाली आहे. पण आज त्यांनी सरकारलाही हादरा बसेल असं काम केलं आहे. त्यांनी थेट बाबा रामदेव यांच्या पतंजली आयुर्वेद उद्योग समुहाच्या दिव्य फार्मसीच्या औषधांवर कारवाई केली आहे. त्यांनी या दिव्य फार्मसीच्या तब्बल ७३ लाख २५ हजार रुपयांच्या फसव्या जाहिराती करुन विकला जाणारा औषधांचा साठा जप्त केला आहे.
अन्न व औषध प्रशासनं अर्थात एफडीएनं या कारवाईची माहिती एका प्रसिद्धीपत्रकाद्वारे दिली आहे. त्यानुसार, पतंजलीच्या या दिव्य फार्मसीच्या औषधांची जाहिरात ही अत्यंत आक्रमकपणे आणि शंभर टक्के उपचारांची हमी देणाऱ्या असा उल्लेख केलेल्या आहेत. यातील बऱ्याच जाहिरातींमधून दिशाभूल आणि ग्राहकांची फसवणूक होत असल्याचंच प्रतित होतं. कारण या जाहिरातींमध्ये चमत्कारीक उपचार वैगरेंसारखे शब्द वापरलेले आढळतात. या आयुर्वेदिक औषधांची जाहिरात करताना अत्यंत गंभीर स्वरुपाचे आजार जसे की कॅन्सर, डायबेटिस यांच्यावर हमखास उपचार असा दावा करण्यात आला आहे. त्याचबरोबर कुठल्याही प्रकारचे वैज्ञानिक आधार नसलेले चमत्कारीकरित्या बरं करणारे दावे देखील या जाहिरातींमधून करण्यात आले आहेत.दरम्यान, अन्न व औषध विभागाच्या आयुक्तपदाचा कारभार स्विकारल्यानंतर तुकाराम मुंढे यांनी स्पष्ट इशारा दिला होता की, जनतेच्या आरोग्याशी खेळ करणाऱ्या आणि त्यांची फसवणूक करणाऱ्या कुठल्याही व्यक्तीला किंवा संस्थेला कारवाईला सामोरं जावं लागणार आहे. यानंतर आता पतंजलीच्या औषधांवर कारवाईनंतर एफडीएनं देखील हे स्पष्ट केलं आहे की, औषधं व सौंदर्य प्रसाधन कायदा १९४० चं उल्लंघन करणाऱ्यांना यापुढे थेट कोर्टासमोर हजर करुन योग्य ती कारवाई केली जाणार आहे. तुकाराम मुंढेनी पदभार स्विकारल्यानंतर केवळ तीनच दिवसांत मुंबई, पुणे, नाशिक, नागपूर, अमरावती, कोकण, छत्रपती संभाजीनगर विभागात धडक करवाई करुन ५३ ठिकाणी धाडी टाकल्या, तसंच भेसळ करणाऱ्या ३३ जणांवर अटकची कारवाई केली आहे.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
