१ जूनपासून 'हे' ६ मोठे बदल; आधार, PF, LPG आणि विमान प्रवास महागणार की सोपा होणार? जाणून घ्या सविस्तर!
1 June: उद्यापासून जून महिना सुरू होत आहे. त्यासोबत अनेक महत्त्वाचे आर्थिक आणि प्रशासकीय बदल लागू होणार आहेत. या बदलांचा थेट परिणाम सर्वसामान्यांच्या खिशावर होणार आहे.
UPI व्यवहार, ATM वापर, LPG सिलेंडरचे दर, PF पैसे काढण्याची प्रक्रिया, आधार अपडेट, पॅन कार्ड नियम तसेच वाहन आणि विमान प्रवासाच्या खर्चात बदल होण्याची शक्यता आहे.
UPI पेमेंट नियमांमध्ये मोठा बदल
1 जूनपासून UPI व्यवहार अधिक सुरक्षित करण्यासाठी नवीन नियम लागू होणार आहेत. आता UPI द्वारे पैसे पाठवताना संबंधित व्यक्तीचे बँकेत नोंद असलेले खरे नाव स्क्रीनवर दिसेल. QR कोड स्कॅन केल्यानंतर किंवा मोबाईल क्रमांक टाकल्यानंतर प्राप्तकर्त्याची अचूक माहिती समोर येणार असल्याने फसवणुकीच्या घटनांवर आळा बसण्यास मदत होईल.
ATM व्यवहार महाग होण्याची शक्यता1 जूनपासून काही बँका ATM व्यवहारांबाबतचे नियम बदलू शकतात. इतर बँकांच्या ATM मधून मोफत व्यवहारांची मर्यादा कमी होण्याची शक्यता आहे. त्यामुळे रोख रक्कम काढणे, शिल्लक तपासणे किंवा मिनी स्टेटमेंट घेणे यासाठी अतिरिक्त शुल्क भरावे लागू शकते. वारंवार ATM वापरणाऱ्या ग्राहकांवर याचा अधिक परिणाम होऊ शकतो.
LPG सिलेंडरच्या दरांकडे लक्ष
इराणमधील संघर्षामुळे आंतरराष्ट्रीय बाजारात कच्च्या तेलाच्या किंमती वाढल्या आहेत. त्यामुळे तेल विपणन कंपन्यांवरील आर्थिक ताण वाढला आहे. कंपन्या दर महिन्याच्या पहिल्या दिवशी LPG सिलेंडरच्या किंमतींचा आढावा घेतात. गेल्या काही महिन्यांत 19 किलोच्या व्यावसायिक LPG सिलेंडरच्या किंमती वाढल्या आहेत. आता घरगुती सिलेंडरच्या दरातही बदल होतो का, याकडे सर्वांचे लक्ष लागले आहे.
PF पैसे UPI द्वारे काढण्याची सुविधा
खासगी क्षेत्रातील कर्मचाऱ्यांसाठी आनंदाची बातमी म्हणजे EPFO कडून PF रक्कम UPI च्या माध्यमातून काढण्याची सुविधा सुरू होण्याची शक्यता आहे. यासंदर्भातील चाचण्या जवळपास पूर्ण झाल्या असून, सुविधा सुरू झाल्यानंतर Google Pay, PhonePe आणि Paytm सारख्या अॅप्सद्वारे PF ची रक्कम थेट बँक खात्यात तत्काळ हस्तांतरित करता येईल.
ह्युंदाईच्या गाड्या महागणार
Hyundai Motor India ने वाढत्या उत्पादन आणि संचालन खर्चाचा दाखला देत आपल्या विविध मॉडेल्सच्या किंमतींमध्ये 12,800 रुपयांपर्यंत वाढ करण्याची घोषणा केली आहे. नवीन दर 1 जूनपासून लागू होतील.
विमानप्रवासाच्या खर्चात वाढ होण्याची शक्यता
विमान इंधन (ATF) महाग झाल्यामुळे विमान कंपन्यांच्या खर्चात वाढ झाली आहे. त्यामुळे Air India आणि IndiGo यांनी 1 जूनपासून काही देशांतर्गत उड्डाणांमध्ये कपात करण्याची तयारी सुरू केली आहे. ही कपात सुमारे 90 दिवस लागू राहू शकते. परिणामी विमान तिकिटांचे दर वाढण्याची शक्यता आहे.
पॅन कार्ड नियमांमध्ये बदल
आयकर विभाग पॅन कार्डशी संबंधित काही नियमांमध्ये बदल करणार आहे. मोठ्या आर्थिक व्यवहारांवर अधिक लक्ष ठेवण्यात येणार आहे. 50 हजार रुपयांपेक्षा जास्त रोख रक्कम जमा करताना पॅन देण्याची अट हटवण्यात आली आहे. तसेच मालमत्ता खरेदीसाठी पॅन आवश्यक असण्याची मर्यादा 10 लाख रुपयांवरून 20 लाख रुपयांपर्यंत वाढवण्यात आली आहे.
मोफत आधार अपडेटची मुदत संपणार
Unique Identification Authority of India कडून दिली जाणारी ऑनलाइन मोफत आधार अपडेट सेवा 14 जूनपर्यंत उपलब्ध असेल. त्यानंतर नाव, पत्ता किंवा इतर माहिती अपडेट करण्यासाठी शुल्क भरावे लागेल. नवीन नियमानुसार ऑनलाइन अपडेटसाठी 25 रुपये तर आधार केंद्रात जाऊन अपडेट केल्यास 50 रुपयांपर्यंत शुल्क आकारले जाऊ शकते.
सर्वसामान्यांनी काय लक्षात ठेवावे?
1 जूनपासून लागू होणारे हे बदल बँकिंग, प्रवास, वाहन खरेदी, गॅस सिलेंडर, PF आणि आधार सेवांवर परिणाम करू शकतात. त्यामुळे नागरिकांनी या बदलांची माहिती ठेवून आर्थिक नियोजन करणे आवश्यक आहे.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
