"नरेंद्र मोदींच्या जवळ होतो पण..." फरार ललित मोदीने अखेर सांगूनच टाकलं 'ते' संपूर्ण गुपित!

"नरेंद्र मोदींच्या जवळ होतो पण..." फरार ललित मोदीने अखेर सांगूनच टाकलं 'ते' संपूर्ण गुपित!

देशातून फरार झालेले ललित मोदी आता भारतात नसला तरी कायम कोणत्या न कोणत्या कारणामुळे चर्चेत असतो बिझनेसमन आणि आयपीएलचा माजी चेअरमन ललित मोदी याने नुकताच झालेल्या एका मुलाखतीत मोठे खुलासे केले आहेत.

ललित मोदी याने पंतप्रधान नरेंद्र मोदी यांना क्रिकेटचे मोठे प्रशंसक म्हणत दावा केला की, दोघांमध्ये क्रिकेटबद्दल अधिक चर्चा व्हायची. ललित मोदी याने केलेल्या दाव्यानुसार, पंतप्रधान मोदी यांच्यासोबत बहुतेक चर्चा अहमदाबादमधील क्रिकेटच्या पायाभूत सुविधांच्या विकासाभोवती फिरत असत. लंडनमध्ये एएनआयला दिलेल्या एका मुलाखतीत ललित मोदी म्हणाला, पंतप्रधान मोदी यांनी गुजरातमधील क्रिकेटच्या विकासात नेहमीच विशेष रस दाखवला आहे.

आमच्यात फक्त क्रिकेटवर चर्चा व्हायची… – ललित मोदी

ललित मोदीम्हणाला, ‘आमच्यात फक्त क्रिकेटवर चर्चा व्हायची… त्यांना अहमदाबादमधील क्रिकेटच्या पायाभूत सुविधांमध्ये रस होता आणि आमच्या चर्चा फक्त क्रिकेटपुरतेच मर्यादित होत्या. मी नरेंद्र मोदींच्या जवळ होतो, पण ती जवळीक क्रिकेटशी संबंधित होती, राजकारणाशी नाही.”

नरेंद्र मोदी स्टेडियम वक्तव्य आणि चर्चांना उधाण

सांगायचं झालं तर, ललित मोदी याने नुकताच अहमदाबाद येथील नरेंद्र मोदी स्टेडियमबाबत केलेल्या वक्तव्यानंतर ही प्रतिक्रिया दिली आहे. संधी मिळाल्यास ते प्रेक्षकांना अधिक चांगला अनुभव देण्यासाठी नरेंद्र मोदी स्टेडियम पाडून त्याची पुनर्बांधणी करतील. जगातील अग्रगण्य क्रिकेट स्टेडियमपैकी एक मानल्या जाणाऱ्या या मैदानाबाबतच्या त्याच्या वक्तव्यामुळे बरीच चर्चा निर्माण झाली.

नरेंद्र मोदी स्टेडियमवर टीका करत नव्हतो – ललित मोदी

आपल्या वक्तव्यावर स्पष्टीकरण देत ललित मोदी म्हणाला, ‘आज हा भारतातील सर्वांत मोठा स्टेडियम आहे. पण तो पर्याप्त नाही… मी स्पष्टपणे सांगितलं आहे की आज हे भारतातील सर्वोत्तम स्टेडियम आहे. पण जर मला लोकांना आंतरराष्ट्रीय दर्जाचा अनुभव द्यायचा असेल, तर मी त्याची देखील पुनर्बांधणी करेन.’

ललित मोदीच्या म्हणण्यानुसार, BCCI कडे आज असलेली आर्थिक ताकद आणि जागतिक प्रभाव पाहता, भारताने जगातील सर्वात प्रतिष्ठित क्रीडांगणांशी बरोबरी करू शकतील अशी स्टेडियम्स बांधली पाहिजेत. “आज वेंबली स्टेडियम, लॉर्ड्स, बार्सिलोनाचे कॅम्प नोऊ, मँचेस्टर युनायटेडचे ​​ओल्ड ट्रॅफर्ड आणि मँचेस्टर सिटीचे एतिहाद स्टेडियम पाहा. ही सर्व स्टेडियम्स आपल्या कोणत्याही स्टेडियमपेक्षा खूपच उत्तम आहेत. आज BCCI कडे पूर्वीपेक्षा अधिक पैसा आहे, त्यामुळे आपण मोठ्या स्तरावर विचार केला पाहिजे.” असं देखील ललित मोदी म्हणाला.

➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.