शिवरायांचा आदर्श ठेवून 'स्वाभिमान, पराक्रम आणि जनकल्याण' या मूल्यांवर कार्य करणार: आमदार सुधीरदादा गाडगीळ
सांगलीत आमदार सुधीरदादा गाडगीळ यांच्या जनसंपर्क कार्यालयात शिवराज्याभिषेक दिन उत्साहात साजरा; शिवरायांच्या प्रतिमेस पुष्पहार अर्पण करून कार्यकर्त्यांचे अभिवादन
सांगली :- हिंदवी स्वराज्याचे संस्थापक, अखंड हिंदुस्थानचे आराध्य दैवत आणि प्रेरणास्थान छत्रपती शिवाजी महाराज यांच्या पवित्र शिवराज्याभिषेक दिनानिमित्त सांगलीत विविध कार्यक्रमांचे आयोजन करण्यात आले होते. सांगलीचे आमदार सुधीरदादा गाडगीळ यांच्या जनसंपर्क कार्यालयात छत्रपती शिवाजी महाराज यांच्या प्रतिमेस पुष्पहार अर्पण करून, भारतीय जनता पार्टीचे पदाधिकारी आणि कार्यकर्त्यांनी शिवरायांच्या अद्वितीय कार्यास त्रिवार मानाचा मुजरा करत अभिवादन केले.
शिवरायांचे विचार आधुनिक जगासाठी मार्गदर्शक: आ. सुधीरदादा गाडगीळ
याप्रसंगी उपस्थितांना संबोधित करताना आमदार सुधीरदादा गाडगीळ म्हणाले की, "छत्रपती शिवाजी महाराज हे केवळ एक राजे नव्हते, तर ते व्यवस्थापन, शौर्य आणि लोककल्याणकारी राज्यकारभाराचे जागतिक प्रतीक आहेत. त्यांनी शून्यातून स्वराज्य उभे केले आणि अठरापगड जातींच्या अफाट जनतेला एकत्र आणून सुरक्षित व न्याय्य समाज निर्माण केला."महाराजांच्या दूरदृष्टीचा गौरव करताना आमदार गाडगीळ पुढे म्हणाले की, "शिवरायांनी त्या काळी राबवलेली जलव्यवस्थापन, कृषी धोरणे, आरमार उभारणी आणि पर्यावरणपूरक रणनीती आजही आधुनिक जगासाठी अत्यंत महत्त्वाची आणि मार्गदर्शक आहे."
"महाराजांनी घालून दिलेला स्वाभिमान, शौर्य आणि लोककल्याणाचा आदर्श आजही संपूर्ण समाजासाठी आणि आपल्या राजकीय, सामाजिक कार्यकर्त्यांसाठी सर्वात मोठे प्रेरणास्थान आहे. त्यांच्या याच विचारांचा प्रसार करण्याचा संकल्प आज आम्ही करत असून, 'स्वाभिमान, पराक्रम आणि जनकल्याण' या त्रिसूत्रीवर आधारित लोकसेवेचे कार्य पुढे नेण्याचा आमचा ठाम निर्धार आहे."— आमदार सुधीरदादा गाडगीळ
भाजपा पदाधिकारी व कार्यकर्त्यांची मोठी उपस्थिती
या अभिवादन सोहळ्याप्रसंगी सांगली जिल्ह्यातील भाजपाचे अनेक वरिष्ठ नेते, पदाधिकारी आणि कार्यकर्ते मोठ्या संख्येने उपस्थित होते. शिवरायांच्या जीवनकार्याचा जयघोष करत संपूर्ण परिसर 'जय भवानी, जय शिवाजी'च्या घोषणांनी दुमदुमून गेला होता.
प्रकाश बिरजे (भाजपा राज्य परिषद सदस्य)श्रीकांत शिंदे (ज्येष्ठ नेते)अतुल माने (सांगली मनपा स्थायी समिती सभापती)विश्वजीत पाटील (जिल्हा सरचिटणीस तथा नगरसेवक)शरद देशमुख (जिल्हा उपाध्यक्ष)रवींद्र सदामते (जिल्हा चिटणीस तथा नगरसेवक)रवींद्र वादवणे (मंडल अध्यक्ष)विलास काळेबाग, राहुल नवलाई, कृष्णा राठोड, अमर पडळकर, शुभम देसाई, शुभम चव्हाण, भालचंद्र बक्षी, अर्जुन मजले, सुनील भोसले, राजू पठाण, गणपत साळुंखे, सागर बिजरगी.या कार्यक्रमात सांगली जिल्हा भाजपाच्या विविध आघाड्यांचे पदाधिकारी, कार्यकर्ते आणि शिवप्रेमी नागरिकांनी उपस्थित राहून छत्रपती शिवाजी महाराजांच्या पवित्र स्मृतीस वंदना केली.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
