आरोग्यदायी जीवनशैलीचा संदेश देणारा 'संडे ऑन सायकल' उपक्रम उद्या; पोलीस अधीक्षक तुषार दोषी यांची प्रमुख उपस्थिती
सांगली :- मा. पंतप्रधान, भारत सरकार यांच्या 'फिट इंडिया' (Fit India) या देशव्यापी संकल्पनेतून प्रेरित होऊन उद्या, रविवारी शहरात 'संडे ऑन सायकल - 2026' या विशेष सायकल रॅलीचे आयोजन करण्यात आले आहे. "फिट रहा, हिट रहा, देशासाठी सदैव तत्पर रहा" हा ऊर्जादायी संदेश घेऊन ही रॅली काढण्यात येणार आहे.
नागरिकांमध्ये आरोग्यदायी जीवनशैलीविषयी जागरूकता निर्माण करणे आणि दैनंदिन जीवनात व्यायामाचे महत्त्व रुजवणे हा या उपक्रमाचा मुख्य उद्देश आहे. आधुनिक जीवनशैलीत आरोग्याकडे होणारे दुर्लक्ष टाळून प्रत्येकाने तंदुरुस्त राहावे, यासाठी या रॅलीचे आयोजन करण्यात आले आहे.
पोलीस अधीक्षकांची प्रमुख उपस्थिती
या महत्त्वपूर्ण कार्यक्रमाला मा. पोलीस अधीक्षक तुषार दोषी हे प्रमुख अतिथी म्हणून उपस्थित राहणार असून, त्यांच्या हस्ते रॅलीला हिरवा झेंडा दाखवून सुरुवात करण्यात येणार आहे. तसेच या प्रसंगी विविध क्षेत्रांतील मान्यवर आणि क्रीडाप्रेमी मोठ्या संख्येने उपस्थित राहणार आहेत.
सर्व स्तरांतून उत्स्फूर्त प्रतिसाद
या सायकल रॅलीमध्ये शाळकरी विद्यार्थी, तरुण-तरुणी, ज्येष्ठ नागरिक आणि शासकीय अधिकारी-कर्मचारी मोठ्या संख्येने सायकल चालवून सहभाग नोंदवणार आहेत. आयोजकांनी सर्व नागरिकांना आवाहन केले आहे की, उद्या सकाळी होणाऱ्या या 'संडे ऑन सायकल' उपक्रमात आपल्या सायकलींसह मोठ्या संख्येने सहभागी व्हावे आणि 'फिट इंडिया'च्या या मोहिमेला यशस्वी करावे.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
