सांगली: गॅस ग्राहकांना 'ई-केवायसी' करणे बंधनकारक; अन्यथा गॅस पुरवठा खंडित होण्याची शक्यता:, मनोजकुमार खेराडकर
देशातील सर्व गॅस ग्राहकांसाठी 'ई-केवायसी' (e-KYC) करणे अनिवार्य करण्यात आले असून, ग्राहकांनी ही प्रक्रिया लवकरात लवकर पूर्ण करावी, असे आवाहन हिंदुस्तान पेट्रोलियम कॉर्पोरेशन लिमिटेडचे (HPCL) गॅस वितरक 'खेराडकर गॅस एजन्सी'चे प्रमुख मनोजकुमार खेराडकर यांनी केले आहे. वेळेत ई-केवायसी न केल्यास गॅस पुरवठ्यात अडथळा निर्माण होऊ शकतो, असा इशाराही त्यांनी दिला आहे.
गैरप्रकार रोखण्यासाठी सरकारचे पाऊल
भारत सरकारकडून दिल्या जाणाऱ्या विविध सवलती आणि सबसिडीचा लाभ केवळ पात्र लाभार्थ्यांनाच मिळावा आणि गॅस जोडणीचा कोणताही गैरवापर होऊ नये, यासाठी केंद्र सरकारने ई-केवायसी सक्तीची केली आहे. याच पार्श्वभूमीवर सर्वच प्रमुख तेल कंपन्यांनी ग्राहकांना केवायसी करण्याचे आदेश दिले आहेत.
वर्षभरापासून मोहीम, तरीही ग्राहक उदासीन
गॅस वितरक गेल्या वर्षभरापासून ई-केवायसी पूर्ण करण्यासाठी सातत्याने प्रयत्न करत आहेत.
यासाठी:
कार्यक्षेत्रातील प्रत्येक गावात विशेष कॅम्प (शिबिरे) आयोजित करण्यात आले होते.गॅस मेकॅनिकनी थेट ग्राहकांच्या घरी जाऊन ई-केवायसी मोहीम राबवली.ग्राहकांच्या मोबाईलवर वारंवार संदेश (SMS) पाठवूनही अनेक ग्राहक अद्याप या प्रक्रियेबाबत उदासीन असल्याचे दिसून येत आहे.
'लाडकी बहीण' योजनेचा दाखला
नुकतेच महाराष्ट्र शासनाच्या 'लाडकी बहीण' योजनेसाठी ई-केवायसी अनिवार्य केल्यामुळे तब्बल ८० लाख महिला अपात्र ठरल्याची धक्कादायक माहिती समोर आली आहे. गॅस सबसिडी आणि पुरवठ्याच्या बाबतीतही अशीच कारवाई होऊ शकते. त्यामुळे कोणत्याही नुकसानीपासून वाचण्यासाठी ग्राहकांनी निष्काळजीपणा न करता त्वरित केवायसी करून घेणे गरजेचे आहे.
ग्राहकांसाठी महत्त्वाची आणि सोपी सुविधा:
ग्राहकांची गैरसोय टाळण्यासाठी 'खेराडकर गॅस एजन्सी'चे मेकॅनिक आणि सिलिंडर डिलिव्हरी देण्यासाठी येणाऱ्या कर्मचाऱ्यांच्या मोबाईलमध्येच ई-केवायसी करून देण्याची विशेष सुविधा उपलब्ध करण्यात आली आहे. त्यामुळे सिलिंडर घरपोच मिळतानाच ग्राहकांनी कर्मचाऱ्यांच्या मदतीने आपली ई-केवायसी प्रक्रिया मोफत आणि त्वरित पूर्ण करून घ्यावी, असे आवाहन मनोजकुमार खेराडकर यांनी केले आहे.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
