'५० ग्रॅमची पावडर टाकेन...' आंदोलकाला धमकी देणाऱ्या माजोरड्या पोलिसाची मस्ती जिरवली; 'त्या' व्हिडिओनंतर खाकी डागाळणारा पोलीस अखेर निलंबित!
सध्या देशात नीट परिक्षवरून मोठा गदारोळ निर्माण झाला असून आता हा मुद्दा चांगलाच तापला आहे. दिल्लीतील आंदोलनादरम्यान विद्यार्थ्यांनावर लाठीचार्ज करण्यात आला यावरून मोठा वाद निर्माण झाला असून आता आणखी एक बातमी समोर येत आहे.
मुंबई पोलिसांच्या एका कर्मचाऱ्याचा धमकीचा कथित व्हिडिओ सोशल मीडियावर व्हायरल झाल्यानंतर मोठा वाद निर्माण झाला आहे. व्हिडिओमध्ये एक पोलीस तरुणाला धमकावताना दिसत असून, "पुन्हा दिसलास तर 50 ग्रॅमची पावडर टाकेन" असे कथित वक्तव्य करताना तो ऐकू येत असल्याचा दावा केला जात आहे. या घटनेनंतर राजकीय वर्तुळातही तीव्र प्रतिक्रिया उमटल्या आहेत.
आज झालेल्या संयुक्त पत्रकार परिषदेत मनसे अध्यक्ष राज ठाकरे यांनी या व्हायरल व्हिडिओचा उल्लेख करत मुंबई पोलिसांच्या भूमिकेवर गंभीर प्रश्न उपस्थित केले. त्यांनी सांगितले की, त्यांच्या मोबाईलवर हा व्हिडिओ आला असून, एका टॅक्सीतील तरुणांना पोलीस अशा प्रकारे धमकावत असल्याचे त्यात दिसत आहे. राज ठाकरे म्हणाले, "50 ग्रॅमची पावडर टाकेन, असे म्हणणारा पोलीस स्वतः ड्रग्स सप्लायर आहे का? पोलिसांकडे अशी पावडर कुठून आली? हे नेमकं काय सुरू आहे?" असा सवाल त्यांनी उपस्थित केला. या प्रकरणाची गंभीर दखल घेत मुंबई पोलिसांनी संबंधित कर्मचाऱ्यावर कारवाई केली आहे. पवन सांगळे असे त्या पोलिसाचे नाव असून, तो सायन पोलीस ठाण्यात चालक म्हणून कार्यरत असल्याची माहिती समोर आली आहे. व्हायरल व्हिडिओनंतर त्याला निलंबित करण्यात आल्याचे सांगण्यात आले.
दरम्यान, महाराष्ट्र काँग्रेसच्या शिष्टमंडळानेही या प्रकरणावरून पोलीस महासंचालकांची भेट घेतली. काँग्रेस प्रदेशाध्यक्ष हर्षवर्धन सपकाळ यांनी संबंधित पोलिसाला निलंबित करण्याची मागणी केली होती. त्यांनी या प्रकरणाची उच्च न्यायालयाच्या निवृत्त किंवा विद्यमान न्यायाधीशांच्या देखरेखीखाली चौकशी करण्याची मागणी करत, पोलिसांच्या भूमिकेवर गंभीर प्रश्न उपस्थित केले.या घटनेमुळे मुंबई पोलिसांच्या कार्यपद्धतीवर प्रश्नचिन्ह उपस्थित झाले असून, या प्रकरणाच्या पुढील चौकशीकडे सर्वांचे लक्ष लागले आहे.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
