फॉरेन ट्रिपला गेल्यावर पंतप्रधान मोदी खिशातून पैसे कसे मोजतात? समोर आली 'ही' मोठी रणनीती!
नवी दिल्ली : भारताचे पंतप्रधान नरेंद्र मोदी अनेकदा विविध देशांच्या अधिकृत दौऱ्यावर असतात. सध्या ते तीन देशांच्या दौऱ्यावर असून या दौऱ्याच्या अंतिम टप्प्यात ते न्यूझीलंडला पोहोचले आहेत. आपल्या परदेश दौऱ्यांदरम्यान पंतप्रधान मोदी अनेकदा तिथल्या स्थानिक आणि प्रसिद्ध वस्तूंची खरेदी करतात. पण, तुम्ही कधी विचार केला आहे का की पंतप्रधान परदेशात असताना या वस्तूंचे पेमेंट कसे करत असतील? अनेकांना याचे उत्तर माहीत नसेल, तर यामागील रंजक माहिती समोर आली आहे.
पंतप्रधान मोदी कसे करतात पेमेंट?
पंतप्रधान नरेंद्र मोदी परदेशात खरेदी करताना कोणत्याही परदेशी क्रेडिट कार्डचा किंवा रोख रकमेचा वापर करत नाहीत. तर, ते भारताच्या स्वदेशी तंत्रज्ञानाचा म्हणजेच 'रुपे' (RuPay) कार्ड आणि 'यूपीआय'चा (UPI) वापर करतात.
पंतप्रधान मोदी 2018 मध्ये सिंगापूर दौऱ्यावर गेले असताना, त्यांनी तिथून एक प्रसिद्ध 'मधुबनी पेंटिंग' खरेदी केली होती. ही पेंटिंग खरेदी करताना त्यांनी भारताच्या 'RuPay' कार्डचा वापर करून डिजिटल पेमेंट केले होते. ऑगस्ट 2019 मध्ये भूतानच्या अधिकृत दौऱ्यावर असताना, मोदींनी तिथली स्थानिक हस्तशिल्प सामग्री खरेदी केली आणि तिथेही 'RuPay' कार्ड स्वाइप करून पैसे दिले.
फेब्रुवारी 2024 मध्ये अबुधाबी दौऱ्यादरम्यान पंतप्रधान मोदी आणि यूएईचे अध्यक्ष शेख मोहम्मद बिन झायेद अल नाहयान यांनी भारताचे UPI आणि UAE ची 'AANI' पेमेंट सिस्टीम, तसेच रुपे कार्ड आणि तिथले 'JAYWAN' कार्ड एकमेकांशी जोडण्याची ऐतिहासिक सुरुवात केली. यावेळी दोन्ही नेत्यांनी एकमेकांचे कार्ड स्वाइप करून थेट 'लाईव्ह ट्रान्झॅक्शन' करून दाखवले होते.
भारतीय यूपीआय (UPI) आणि रुपे कार्डला प्रोत्साहन
पंतप्रधान नरेंद्र मोदी यांनी परदेशात स्वतः वस्तू खरेदी करून डिजिटल पेमेंट करण्यामागे एक खूप मोठी जागतिक रणनीती आहे. भारताचे फिनटेक तंत्रज्ञान जसे की UPI आणि RuPay कार्ड आता आंतरराष्ट्रीय स्तरावरही पूर्णपणे सुरक्षित आणि स्वीकार्य झाले आहे, हे जगभरातील लोकांना आणि भारतीय पर्यटकांना दाखवून देणे हा यामागचा मुख्य उद्देश आहे. परदेशात जाणाऱ्या भारतीय पर्यटकांनी चलन बदलण्याऐवजी भारताच्याच डिजिटल पेमेंट प्रणालीचा वापर करावा, असा संदेश पंतप्रधान याद्वारे देतात.
कोणत्या देशांमध्ये चालते भारताचे यूपीआय?
भारताची ही डिजिटल क्रांती आता केवळ देशापुरती मर्यादित राहिलेली नाही. भारताचे UPI आणि RuPay कार्ड आता जगातील अनेक प्रमुख देशांमध्ये स्वीकारले जाते. यामध्ये खालील देशांचा समावेश आहे:फ्रान्ससंयुक्त अरब अमिरातीसिंगापूरभूताननेपाळश्रीलंकामॉरिशसकतारओमानदक्षिण कोरियाफ्रान्सच्या काही ठराविक भागात अजून 'RuPay' कार्ड पूर्णपणे चालत नसले, तरी अनेक भागांत ते काम करते आणि तिथे UPI मोठ्या प्रमाणावर स्वीकारले जाते.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
