सांगलीचे सुप्रसिद्ध आर्किटेक्ट टी. डी. गाडगीळ यांना आंतरराष्ट्रीय बहुमान; RIBA, AIA आणि RAIC ची मानाची सदस्यता प्राप्त!
सांगली :- वास्तुरचना क्षेत्रातील उत्कृष्टतेचा नवा वस्तुपाठ घालत सांगलीतील ज्येष्ठ व नामांकित आर्किटेक्ट टी. डी. गाडगीळ यांनी आंतरराष्ट्रीय स्तरावर दैदिप्यमान यश संपादन केले आहे. जगभरातील वास्तुरचना क्षेत्रातील सर्वात प्रतिष्ठेच्या मानल्या जाणाऱ्या तीन संस्थांची अत्यंत दुर्मिळ सदस्यता (Membership) त्यांना प्रदान करण्यात आली आहे:
RIBA (रॉयल इन्स्टिट्यूट ऑफ ब्रिटिश आर्किटेक्ट्स - यूके)AIA (अमेरिकन इन्स्टिट्यूट ऑफ आर्किटेक्ट्स - यू.एस.ए.)RAIC (रॉयल आर्किटेक्चरल इन्स्टिट्यूट ऑफ कॅनडा - कॅनडा)
ब्रिटन, अमेरिका आणि कॅनडा या तिन्ही जागतिक मानकांनुसार काम करणाऱ्या सर्वोच्च आर्किटेक्चरल संस्थांचे एकाच वेळी सदस्यत्व मिळवणे ही वास्तुरचना क्षेत्रातील अतिशय दुर्मिळ आणि सन्मानजनक कामगिरी मानली जाते. गाडगीळ सरांनी आपल्या दीर्घकालीन अनुभवातून आणि नाविन्यपूर्ण डिझाइनच्या जोरावर हा बहुमान पटकावला आहे.
सांगलीच्या शिरपेचात मानाचा तुरा
स्थानिक पातळीवर अनेक वैशिष्ट्यपूर्ण आणि उत्कृष्ट वास्तुंचे निर्माण करणाऱ्या टी. डी. गाडगीळ सरांच्या या यशामुळे केवळ सांगली शहराचीच नव्हे, तर संपूर्ण महाराष्ट्राच्या आर्किटेक्चरल क्षेत्राची मान आंतरराष्ट्रीय व्यासपीठावर उंचावली आहे.वास्तुरचनेमधील गुणवत्ता, पर्यावरणपूरक रचना आणि जागतिक दर्जाच्या मानकांची पूर्तता केल्याबद्दल त्यांना ही मान्यता मिळाली आहे. या अभूतपूर्व यशाबद्दल सांगलीतील नागरिक, व्यावसायिक सहयोगी आणि वास्तुविशारदांकडून त्यांच्यावर अभिनंदनाचा वर्षाव होत आहे. पुढील वाटचालीत त्यांनी वास्तुकलेचे नवे टप्पे गाठावेत आणि असेच अविरत यश मिळवावे, याकरिता सांगली दर्पण परिवाराकडून त्यांना मनापासून शुभेच्छा!
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
