मोठी बातमी! १ ऑक्टोबरपासून ATM मधून पैसे काढणे महागणार; 'या' बँकेचा ग्राहकांना मोठा धक्का!
15 ऑक्टोबरपासून यूपीआय (UPI) व्यवहारांवर अतिरिक्त शुल्क लागू होण्याच्या चर्चेदरम्यान, देशातील सर्वात मोठी सार्वजनिक क्षेत्रातील बँक असणाऱ्या 'भारतीय स्टेट बँकेने' (SBI) आपल्या ग्राहकांना मोठा झटका दिला आहे.
बँकेने 1 ऑक्टोबर 2026 पासून कॅश काढण्याच्या नियमांमध्ये महत्त्वाचे बदल केले आहेत. नव्या नियमांनुसार, ठरवून दिलेल्या मोफत मर्यादेपेक्षा (Free Limit) जास्त वेळा पैसे काढल्यास ग्राहकांच्या खिशाला अतिरिक्त फटका बसणार आहे.
SBI BSBD Account Rules : कोणावर परिणाम?
एसबीआयने स्पष्ट केले आहे की, हा नियम बँकेच्या सर्व खातेदारांना लागू होणार नाही. हा बदल प्रामुख्याने बँकेच्या शाखांद्वारे उघडण्यात आलेल्या Basic Savings Bank Deposit (BSBD) म्हणजेच बेसिक सेव्हिंग्स बँक डिपॉझिट खात्यांशी संबंधित ग्राहकांसाठी लागू करण्यात आला आहे.
SBI Free ATM Limit : महिन्यातून किती वेळा पैसे काढणे राहणार फ्री?
भारतीय स्टेट बँकेने दिलेल्या माहितीनुसार, 1 ऑक्टोबर 2026 नंतरही BSBD खातेदारांना दरमहा ठराविक मर्यादेत मोफत पैसे काढण्याची सोय कायम राहील.
4 वेळा पैसे काढणे मोफत : महिन्यातून एकूण 4 वेळा (एटीएम किंवा बँक शाखेतून) पैसे काढणे पूर्णपणे मोफत असेल.
जीएसटी (GST) लागू : या 15 रुपयांच्या शुल्कासोबतच ग्राहकाला लागू असणारा जीएसटी (GST) देखील अतिरिक्त भरावा लागेल.
SBI Digital Transaction Rules : डिजिटल व्यवहारांवर शुल्क लागेल का?
एसबीआयच्या ग्राहकांसाठी दिलासादायक बाब म्हणजे या बदललेल्या नियमांचा डिजिटल व्यवहारांवर कोणताही परिणाम होणार नाही. ग्राहक आधीप्रमाणेच यूपीआय (UPI), नेट बँकिंग किंवा डिजिटल पेमेंटद्वारे कितीही वेळा मोफत व्यवहार करू शकतात. त्यावर कोणतीही मर्यादा किंवा अतिरिक्त शुल्क आकारले जाणार नाही.
SBI AePS Transaction Changes : आधार सक्षम पेमेंट सिस्टीमच्या नियमातही बदल
बँकेने आधार सक्षम पेमेंट सिस्टीम म्हणजेच AePS (Aadhaar Enabled Payment System) द्वारे होणाऱ्या व्यवहारांच्या नियमांमध्येही मोठा बदल केला आहे. आधी AePS द्वारे केलेल्या कॅश व्यवहारांना डिजिटल व्यवहार मानले जायचे आणि त्यांना 4 मोफत व्यवहारांच्या मर्यादेत धरले जात नव्हते. मात्र, आता बँकेने ही सूट काढून घेतली आहे. म्हणजेच AePS द्वारे काढलेली रोख रक्कमही आता महिन्यातून मिळणाऱ्या 4 मोफत व्यवहारांच्या मर्यादेतच मोजली जाईल.
SBI Financial Performance : एसबीआयच्या व्याजाचे दर आणि नफ्यात वाढ
यापूर्वी एसबीआयने ऑगस्ट महिन्यात 3 कोटी रुपये किंवा त्याहून अधिक रकमेच्या बल्क फिक्स्ड डिपॉझिटवरील (Bulk FD) व्याजाचे दर 15 ऑगस्टपासून सुधारित केले होते. याशिवाय, चालू आर्थिक वर्ष 2026-27 च्या पहिल्या तिमाहीत (एप्रिल ते जून) बँकेचा निव्वळ नफा (Net Profit) 10.23% ने वाढून 21,121 कोटी रुपयांवर पोहोचला आहे, जो गेल्या वर्षी याच तिमाहीत 19,160 कोटी रुपये होता.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
