"पुढची क्लिप डेंजर आहे!" - 500 कोटींच्या ऑडिओ बॉम्बनंतर मनोज जरांगे पाटील यांचा सरकारला नवा इशारा
मराठा आंदोलक मनोज जरांगे पाटील यांनी पाचशे कोटीच्या ऑडिओ क्लिपचा बॉम्ब फोडल्यानंतर, आणखी एक ऑडिओ क्लिपचा बॉम्ब फोडण्याच्या तयारीत आहेत. "ही ऑडिओ क्लिप भाजपचे मुख्यमंत्री देवेंद्र फडणवीस आणि शिवसेनेचे उपमुख्यमंत्री एकनाथ शिंदे यांना थेट 'शॉट' देणारी ठरेल, त्यामुळे त्यांनी अगोदरच्या ऑडिओ क्लिपचा शोध घ्यावा," असा इशारा मनोज जरांगे पाटील यांनी दिला आहे.
धाराशिव येथे जरांगे पाटील यांनी माध्यमांशी संवाद साधताना, आणखी एक ऑडिओ क्लिप आपल्याकडे असल्याचा दावा केला आहे. ही ऑडिओ क्लिप पहिल्या ऑडिओ क्लिपपेक्षा डेंजर आहे आणि थेट मुख्यमंत्री फडणवीस आणि उपमुख्यमंत्री शिंदे यांना आव्हान देणारी असेल, असे सांगून खळबळ उडवून दिली आहे.
कोणती नवीन ऑडिओ क्लिप आहे, यावर बोलताना जरांगे पाटील म्हणाले, "त्यांना थोडं अवसानात येऊ द्यात. अनसानात आले की, रट्टा टाकयला सोपं जातं. लांबून टाकायला मज्जा नाही. आपण टोला टाकला की तो खाली जाऊ द्यायचा नाही. त्यांच्या-त्यांच्यातील आहे इथून पुढेचं. त्यांच्या-त्यांच्यातील लचांट आहे. माझ्या गळ्यात लचांट गुंतवीलं होतं, आता त्यांच्याच गळ्यात लचांट गुतलं आहे."
'आताची क्लिप आहे ती डेंजर आहे. फडणवीससाहेब आणि शिंदे साहेबांना शॉट बसेल अशी आहे. भयाण आहे. त्यासाठी अगोदरच्या क्लिपचा शोध लावणे, सगळ्यांना अटक करणे, एसआयटीमधून आपापला दोष मान्य करणे, हे भाजपचेच आहे, यांनी परस्पर केले होतं.
शिंदे साहेबांनी देखील मान्य करावं, यांनी काळजावरती वार का केला, पाचशे कोटी दिले म्हणून. त्यांनीही म्हणावं, मागून एकमेकांना संपवायचे काम करत होते. विशेष करून, मराठ्यांचे आंदोलन चिरड्यासाठी, ही सगळी पडद्यामागची प्लॅनिंग होती, हे त्यांनी मान्य करावं,' असेही जरांगे पाटील यांनी म्हटले.
भाजप अन् शिंदेसाहेबांमध्ये भांडणं...
पाचशे कोटीच्या ऑडिओ क्लिप खोटी ठरवणार आहेत, असे सांगून, हा म्हटल्यास, भाजप मराठ्यांतून संपते, नाही म्हटल्यास, शिंदेसाहेब आणि त्यांच्या दोघांत भांडणं लागतात, मला का बदनाम केले, असे शिंदे साहेब म्हणतील. मराठे इकडून म्हणतील, आमचे आंदोलन चिरडण्याचा अधिकार तु्म्हाला कोणी दिला होता, असा पेच यांच्यासमोर आहे. डेंजर कोडं यांच्यासमोर आहे, असेही जरांगे पाटील यांनी म्हटले.
पहिल्या ऑडिओ क्लिपबाबत गंभीर भाष्य...
पहिल्या ऑडिओ क्लिपविषयी चौकशीला अजून आमच्याकडे कोणीही आलेले नाहीत. पुढची क्लिप कधी काढणार, यावर बोलताना जरांगे पाटील म्हणाले, 'थोडं थांबाना...' असे म्हणून राजकीय उत्सुकता ताणून धरली आहे. जरांगे पाटील यांनी पुन्हा एकदा ऑडिओ क्लिपचा मुद्दा काढून महायुतीमधील भाजप आणि एकनाथ शिंदे शिवसेनेचे टेन्शन वाढवलं आहे.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
.jpeg)
