Breaking News ! इंडियन आयडल 12 चा विजेता पवनदीप राजनचा भीषण अपघात, प्रकृती गंभीर
सोनी टीव्हीवरील गायन रिअॅलिटी शो ‘इंडियन आयडल सीझन 12’ चा विजेता पवनदीप राजनच्या चाहत्यांसाठी एक वाईट बातमी आहे.
आज म्हणजेच 5 मे रोजी सकाळी उत्तराखंडहून दिल्लीला जात असताना पवनदीपचा अपघात झाला. अपघातावेळी त्याच्यासोबत आणखी दोन लोक होते. त्याच्या गाडीने मागून एका कॅन्टरला धडक दिली, त्यामुळे हा मोठा अपघात झाल्याचं सांगितलं जातंय. आपल्या उत्तम गायनाने कोट्यवधी लोकांची मने जिंकणारा पवनदीप राजन हा उत्तराखंडचा रहिवासी आहे.
टीव्ही नाईन हिंदीने दिलेल्या माहितीनुसार, पवनदीप राजन आता धोक्याबाहेर आहे. हा अपघात आज पहाटे 3 वाजून 40 मिनिटांनी घडल्याचं सांगितलं जातंय. चालकाला अचानक झोप लागली आणि त्याची गाडी मागून रस्त्यावर उभ्या असलेल्या कॅन्टरला धडकली. उत्तराखंडहून दिल्लीला जात असताना गजरौला पोलीस स्टेशन परिसरातील राष्ट्रीय महामार्ग 9 वर हा अपघात झाला.
अपघातानंतर तिघांनाही जवळच्या रुग्णालयात दाखल करण्यात आले. नंतर सर्वांना चांगल्या उपचारांसाठी दिल्लीला रेफर करण्यात आले. पवनदीपची प्रकृती सध्या स्थिर असल्याची माहिती मिळतेय. त्याच्या एका हाताला आणि दोन्ही पायांना जखमा आहेत.
पवनदीप राजन कोण आहे?
पवनदीप राजन हे केवळ एक प्रसिद्ध गायक नाहीत तर एक प्रतिभावान संगीतकार देखील आहेत. त्याने आपल्या प्रतिभेने संपूर्ण चित्रपटसृष्टीला प्रभावित केले आहे. 2015 मध्ये ‘द व्हॉइस इंडिया’ या गायन रिअॅलिटी शोमध्ये विजय मिळवून पवनदीपने पहिल्यांदाच राष्ट्रीय स्तरावर ओळख मिळवली. तो विविध वाद्ये देखील वाजवू शकतो. पवनदीप हार्मोनियम, सिंथेसायझर, तबला आणि ढोल अशी अनेक वाद्ये अतिशय कुशलतेने वाजवतो.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
