गुजरातमध्ये पुलाचे अचानक दोन तुकडे, अनेक वाहनांना जलसमाधी; तिघांचा मृत्यू, टॅंकर लटकला अन्...
गुजरातमध्ये एक मोठी दुर्घटना घडली आहे. येथे, वडोदराच्या पाड्रा आणि आनंद जिल्ह्यांना जोडणारा महिसागर नदीवर बांधलेला ४५ वर्षे जुना पूल आज सकाळी कोसळला. या दुर्घटनेत पुलावरून जाणारे दोन ट्रक, एक बोलेरो आणि एक जीपसह चार वाहने नदीत कोसळली.
यात तीन जणांचा मृत्यू झाल्याचे वृत्त
आहे. पूल कोसळल्यामुळे अजूनही एक टँकर पुलावर लटकत आहे.आतापर्यंत तीन
जणांना वाचवण्यात आले आहे. ही दुर्घटना घडली तेव्हा मुजपूरसह जवळपासच्या
गावांतील लोकांची गर्दी घटनास्थळी जमली होती. यासोबतच पाड्रा पोलिसांनीही
घटनास्थळी पोहोचून कारवाई सुरू केली. या पुलाला पाड्रा-गंभीरा पूल असेही
म्हणतात. मुजपूर गावातील लोकांना हा पूल कोसळल्याची माहिती मिळताच लोक मदत
आणि बचाव कार्यासाठी घटनास्थळी पोहोचले.
यानंतर माहीसागर नदीत पडलेल्या वाहनांमधून तिघांना वाचवण्यात आले. मात्र, या घटनेत तिघांचा मृत्यू झाला आहे. घटनेनंतर लगेचच १०८ रुग्णवाहिकांना याची माहिती देण्यात आली. प्रशासनाचे पथक घटनास्थळी उपस्थित आहे आणि नदीत कोसळलेल्या वाहनांना बाहेर काढण्याचे काम सुरू आहे. या घटनेनंतर स्थानिक लोकांनी या अपघातासाठी प्रशासनाला जबाबदार धरले आहे. त्यांचा दावा आहे की दशकांपासूनचा जुना पूल दुरुस्त करण्यासाठी वारंवार विनंती करण्यात आली होती, परंतु प्रशासनाने त्याकडे दुर्लक्ष केले. स्थानिकांचा आरोप आहे की इशारे देऊनही अधिकाऱ्यांनी कोणतीही कारवाई केली नाही, ज्यामुळे पूल कोसळला आणि अनेक लोक जखमी झाले. त्यांनी सांगितले की, वडोदरा आणि आणंद दरम्यानचा प्रमुख मार्ग असलेला गंभीरा पूल गेल्या काही वर्षांत खूपच जीर्ण झाला होता आणि आता हा पूल जड वाहतुकीसाठी योग्य राहिलेला नाही.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
