७ दिवसांत युरिक अॅसिडची पातळी होईल कमी, फक्त 'हे' घरगुती उपाय आणि जीवनशैलीत करा काही बदल.
युरिक अॅसिडला वैद्यकीय भाषेत हायपरसुरिसेमिया असे म्हणतात. शरीरात युरिक अॅसिडची पातळी वाढल्यामुळे कधीकधी अनेक आरोग्य समस्या उद्भवू शकतात. युरिक अॅसिडची पातळी नियंत्रणाबाहेर गेली तर संधिवात आणि किडनीच्या समस्यांचा धोका देखील वाढू शकतो. त्यामुळे शरीरात गंभीर गुंतागुंत निर्माण होऊ शकते. तज्ज्ञांच्या मते, जेव्हा रक्तात युरिक अॅसिडची पातळी वाढते तेव्हा सांधे आणि किडनीमध्ये क्रिस्टल्स तयार होतात. जेव्हा पायाच्या मोठ्या बोटात युरिक अॅसिड क्रिस्टल्स तार होतात तेव्हा गाउटची लक्षणं तीव्र वेदना आणि सूज या स्वरूपात दिसून येतात.
गाउट हा एक प्रकारचा संधिवात आहे. तो रक्तातील युरिक अॅसिडचे प्रमाण वाढल्यामुळेच होतो. किडनीमध्ये युरिक अॅसिड जमा झाल्यामुळे किडनी स्टोन तयार होऊ शकतात, त्यामुळे किडनीच्या कार्यावर परिणाम होऊ शकतो. युरिक अॅसिडची उच्च पातळी दीर्घकालीन किडनीच्या आजाराचा धोका वाढवते आणि उच्च रक्तदाब, हृदयरोग आणि चयापचय सिंड्रोमचा धोका देखील वाढवते. महत्त्वाचं म्हणजे औषधांव्यतिरिक्त जीवनशैलीतील काही बदलांनीही युरिक अॅसिडची पातळी नियंत्रणात ठेवता येऊ शकते. तर मग जाणून घ्या केवळ ७ दिवसांत तुम्ही युरिक अॅसिडची पातळी कशा पद्धतीने कमी करू शकता.
१.भरपूर पाणी प्या
युरिक अॅसिड कमी करण्यासाठी पाणी पिणे हा एक अत्यंत सोपा आणि प्रभावी मार्ग आहे. किडनी रक्तातील युरिक अॅसिड काढून टाकण्यासाठी पाण्याचे वापर करतात आणि नंतर ते लघवीद्वारे बाहेर टाकतात. दररोज ८ ते १२ ग्लास पाणी प्यायल्याने किडनीचे कार्य नियमित होण्यास मदत होते आणि शरीरात युरिक अॅसिड क्रिस्टलायझेशनचा धोका कमी होतो.
२. प्युरीनयुक्त पदार्थ कमी खा
नैसर्गिकरित्या युरिक अॅसिड कमी करण्यासाठी प्युरीन असलेले पदार्थ कमी करा. लाल मांस, प्रक्रिया केलेले पदार्थ आणि काही सीफूडमध्ये प्युरीनचे प्रमाण जास्त असते त्यामुळे ते टाळा. प्युरीनयुक्त पदार्थांच्या जागी अंडी, दुग्धजन्य पदार्थ, सुकामेवा, फळे आणि भाज्या यांसारखे कमी प्युरीन असलेले पदार्थ खाल्ल्याने युरिक अॅसिडची पातळी लवकर कमी होण्यास मदत होऊ शकते.
३. व्हिटॅमिन सी
किडनी उत्पादकता वाढवण्यासाठी व्हिटॅमिन सी वापरतात, त्यामुळे युरिक अॅसिड नष्ट होते. संत्री, स्ट्रॉबेरी, शिमला मिरची आणि किवी यांसारखे व्हिटॅमिन सी समृद्ध पदार्थ खाल्ल्याने युरिक अॅसिडची पातळी कमी होण्यास मदत होते. चेरी आण चेरीच्या रसामध्ये आळणारे अँटीऑक्सिडंट्स आणि दाहक विरोधी संयुगे युरिक अॅसिडची पातळी कमी करण्यात आणि गाउटच्या लक्षणांवर उपचार करण्यात प्रभावी ठरतात. म्हणून त्यांना तुमच्या आहारात काही प्रमाणात समाविष्ट करा.
४. नियमित व्यायाम
लठ्ठपणा आणि जास्त वजनामुळे युरिक अॅसिडची पातळी वाढू शकते आणि गाउटचा धोका वाढू शकतो. व्यायाम, चालणे आणि सायकलिंग यासारख्या दैनंदिन शारीरिक हालचालींमध्ये सहभागी झाल्याने युरिक अॅसिडची पातळी कमी होण्या मदत होऊ शकते. यामुळे उच्च तीव्रतेच्या व्यायामादरम्यान होणाऱ्या युरिक अॅसिडची पातळी न वाढवता तुमचा चयापचय वाढतो आणि त्यामुळे इन्सुलिन संवेदनशीलता चांगली होण्यास मदत होते.
५. मद्यपान टाळा
बिअरमध्ये प्युरीनचे प्रमाण जास्त असते आणि ते शरीराला डिहायड्रेट करते. त्यामुळे युरिक अॅसिडची पातळी आणखी वाढते. युरिक अॅसिडची पातळी कमी करण्याचा सर्वात सोपा मार्ग म्हणजे अल्कोहोल पिणे पूर्णपणे बंद करणे.
६. नैसर्गिक आहार घ्या
निसर्गात असे अनेक नैसर्गिक घटक आढळतात, जे युरिक अॅसिडची पातळी कमी करण्यास मतकरू शकतात. अॅपल सायड व्हिनेगर, हळद, आले आणि काकडीचा रस पाण्यात मिसळून घेतल्यासही युरिक अॅसिड कमी होण्यास मदत होते.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
