अजित पवारांच्या पायलटची 'कुंडली' बाहेर! 2 वेळा दारू पिऊन उडवलं विमान, 3 वर्षे होता सस्पेंड; धक्कादायक माहिती उघड
उपमुख्यमंत्री अजित पवार यांच्या विमान अपघाताच्या तपासाला आता एक धक्कादायक वळण मिळाले आहे. या विमानाचे वैमानिक कॅप्टन सुमित कपूर यांचा उड्डाणाचा रेकॉर्ड अत्यंत वादग्रस्त असल्याचे समोर आले आहे. 15,000 तासांचा दांडगा अनुभव असूनही, सुमित कपूर यांचा भूतकाळ सुरक्षा नियमांच्या उल्लंघनाने डागाळलेला आहे.
दोनदा 'ब्रेथ अनालायझर' टेस्टमध्ये पॉझिटिव्ह (Captain Sumit tested positive for alcohol twice) विमान उड्डाणापूर्वी वैमानिकाची दारूची चाचणी केली जाते. नियमानुसार दारूचा एक थेंबही वैमानिकासाठी गुन्हा ठरतो. मात्र, सुमित कपूर यांच्या बाबतीत धक्कादायक वास्तव समोर आले आहे.13 मार्च 2010 - दिल्ली-बंगळुरू विमान उड्डाणापूर्वी ते पहिल्यांदा दारूच्या नशेत आढळले.7 एप्रिल 2017 - सात वर्षांनंतर पुन्हा एकदा दिल्ली-गुवाहाटी उड्डाणापूर्वी ते 'लीकर पॉझिटिव्ह' आढळले. दुसऱ्यांदा पकडले गेल्याने नागरी विमान वाहतूक संचालनालयाने (DGCA) त्यांना कठोर शिक्षा केली.
3 वर्षांचे निलंबन आणि पुनरागमन
2017 मध्ये दुसऱ्यांदा दोषी आढळल्यानंतर DGCA ने सुमित कपूर यांना तीन वर्षांसाठी निलंबित केले होते. कोणत्याही वैमानिकासाठी ही मोठी शिक्षा मानली जाते. निलंबन काळ संपल्यानंतर त्यांनी पुन्हा उड्डाण सुरू केले आणि 'VSR व्हेंचर्स' या खासगी कंपनीत ते दाखल झाले. ज्या कंपनीकडे राज्यातील अतिमहत्त्वाच्या नेत्यांच्या (VVIP) सुरक्षेची जबाबदारी होती, त्यांनी सुमित कपूर यांच्या पार्श्वभूमीची योग्य तपासणी केली होती का? असा गंभीर प्रश्न आता उपस्थित होत आहे.
मानवीय चूक की अपघात?
बारामती विमानतळावर ज्या पद्धतीने विमानाने पहिल्यांदा लँडिंग मिस केले आणि त्यानंतर 'गो-अराउंड' (पुन्हा उड्डाण) घेताना विमान कोसळले, हे पाहता आता जुन्या रेकॉर्डची चर्चा सुरू झाली आहे. पायलटच्या जुन्या सवयी आणि नियमांचे उल्लंघन करण्याची प्रवृत्ती या अपघाताला कारणीभूत ठरली का? असा प्रश्न उपस्थित होत आहे.मिळालेल्या माहितीनुसार, सुमित कपूर यांनी 2017 च्या निलंबनानंतर नागरी विमान वाहतूक क्षेत्रात पुनरागमन करण्यासाठी लागणाऱ्या सर्व तांत्रिक चाचण्या पूर्ण केल्या होत्या, परंतु त्यांच्या वर्तणुकीच्या पैलूंकडे दुर्लक्ष झाल्याचा आरोप होत आहे. नागरी विमान वाहतूक सुरक्षा नियमांनुसार (CAR), एखाद्या वैमानिकाने दोनदा मद्यपान करून ड्युटीवर येणे हे त्याच्या व्यावसायिक शिस्तीवर मोठे प्रश्नचिन्ह निर्माण करते.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
