कॉन्स्टेबलचा पत्नीशी वाद, बायकोवर केला तव्याने हल्ला, लेकीची हत्या करून नदीत उडी मारत स्वत:ला संपवलं
उत्तर प्रदेशातील बांदा येथील मार्का पोलीस ठाणे परिसरातील गौरव यादव नावाच्या एका कॉन्स्टेबलने आपल्याच चिमुकलीला संपवलं. नंतर तो घटनास्थळावरून पळून गेला. 14 जानेवारी रोजी मकरसंक्रांत सणादिवशी कुटुंबात मोठा अनर्थ घडल्याचं वृत्त समोर आलं.
कौटुंबिक कलहातून गौरवने पत्नी शिवानीवर तव्याने हल्ला चढवला होता. यादरम्यान, लहान मुलीची देखील हत्या करण्यात आली. यानंतर गौरव हा घटनास्थळावरून फरार झाला, नंतर पाण्यात उडी मारत त्यानं आपलं जीवन संपवलं. संबंधित प्रकरणात पोलिसांनी शोध घेतला असता, नदीत त्याचा मृतदेह आढळून आला होता.
पतीकडून बायकोवर तव्याने हल्ला
शिवानीवर तव्याने हल्ला केल्यानं तिची प्रकृती गंभीर होती. पोलिसांनी गौरवचा शोध घेण्यास सुरुवात केली. तो कुठेही सापडला नाही, पण आता गौरव यादव सापडल्याचं वृत्त आहे. दरम्यान एक बाब लक्षात घ्यावी लागेल, जेव्हा पोलीस आणि कुटुंबियांनी गौरवचा शोध सुरु केला, तेव्हा यमुना नदीजवळ त्याचे कपडे आढळून आले होते.गौरवने नदीत उडी मारत आपलंच जीवन संपवल्याचा संशय होता. हा संशय खरा ठरला असून, घटनेच्या काही दिवसांतच पोलिसांनी गौरव यादवचा मृतदेह यमुना नदीतून बाहेर काढल्याचं सांगण्यात येत आहे. या घटनेनंतर गौरवने त्याच्या कुटुंबाशी फोनवरून संवाद साधला होता. या कथित घटनेची ऑडिओ क्लिप आता व्हायरल होत आहे.
'मी खूप मोठी चूक केली..'
संबंधित ऑडिओत गौरव म्हणतो की, 'मी खूप मोठी चूक केली, आज शिवानीशी माझा वाद झाला होता, ती मला सतत चिथावत असायची. तिने मला अनेकदा चिथावलं. माझा गणवेश देखील फाडून टाकला. त्यानंतर मी शिवानीच्या डोक्यावर जोरदार हल्ला केला'. हा ऑडिओ गौरवने नदीत उडी मारण्यापूर्वीचा असल्याचं सांगण्यात येत आहे.
बापाने चिमुरडीला संपवलं
शिवानी ही सध्या कानपुरात उपचार घेत आहे, जिथं तिची प्रकृती सध्या चिंताजनक असल्याचं सांगण्यात येत आहे. शिवानीच्या कुटुंबाने हुंडाबळी खटला दाखल केला. कुटुंबातील सात सदस्यांवर हुंडाबळीप्रकरणी गुन्हा दाखल केला असून पोलीस या प्रकरणाचा शोध घेत आहेत. पोलिसांनी दिलेल्या माहितीनुसार, गौरव यादव या पोलीस अधिकाऱ्याने 14 जानेवारी रोजी कौटुंबिक वादातून पत्नी आणि मुलीवर प्राणघातक हल्ला केला होता. या हल्ल्यात चिमुकलीचा मृत्यू झाला. नंतर मृतदेह ताब्यात घेऊन शवविच्छेदनासाठी पाठवण्यात आला, दरम्यान या प्रकरणाचा तपास सुरु आहे.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
