Big Breaking ! राजकारणात 'भूकंप' अजित पवारांच्या विमान अपघाताचा तपास होणार नाही?
राज्याचे उपमुख्यमंत्री अजित पवार यांच्या विमान अपघाताला आता 15 दिवस उलटले आहेत. 28 जानेवारी रोजी सकाळी बारामती एअरपोर्टजवळ कोसळलेल्या या विमान अपघातात अजित पवारांसह आणखी चार जणांचा मृत्यू झाला. या घटनेने बारामतीसह संपूर्ण महाराष्ट्र शोकाकूल झाला. मात्र, तीन आठवडे उलटूनही या अपघाताच्या खऱ्या कारणावर कोणताही ठोस निष्कर्ष समोर आलेला नाही, ज्यामुळे या प्रकरणाभोवती संशयाचे वातावरण अधिक गडद झाले आहे. अजित पवारांचा अकाली मृत्यू झाल्यानंतर
राष्ट्रवादी काँग्रेस शरद पवार गटाचे आमदार रोहित पवार यांनी या प्रकरणाची
सखोल आणि निष्पक्ष चौकशी होण्याची मागणी केली आहे. रोहित पवारांनी मुंबई व
दिल्ली येथे पत्रकार परिषद घेऊन या अपघाताच्या पार्श्वभूमीबाबत अनेक
प्रश्न उपस्थित केले. त्यांच्यासह अनेक पक्षीय नेते व कार्यकर्तेही या
अपघाताची स्वतंत्र चौकशी व्हावी अशी मागणी करत आहेत. मात्र, अद्याप
यंत्रणेकडून कोणतेही ठोस निष्कर्ष समोर आलेले नाहीत.
यावरून राज्यातील राजकीय वातावरणही चांगलेच गडबडलेले आहे. अपघाताची कारणे स्पष्ट होईपर्यंत पक्षातील अंतर्गत चर्चाही सुरू आहेत. आमदार अमोल मिटकरी, रूपाली ठोंबरे पाटील आणि सुरज चव्हाण यांनी सातत्याने या प्रकरणाची सखोल चौकशी करण्याची मागणी केली आहे.यातच शिवसेना खासदार संजय राऊत यांनी या प्रकरणावर केलेल्या विधानामुळे गोंधळ आणखी वाढला आहे. राऊत म्हणाले की, "अजित पवार यांच्या विमान अपघाताचा तपास होणार नाही. तपासातून काहीही निष्कर्ष निघणार नाही. रोहित पवार यांनी दिलेल्या प्रेझेंटेशनमध्ये कोणत्या मुद्द्यांवर काय निष्कर्ष येईल, हे शेवटपर्यंत स्पष्ट होणार नाही. अजित पवार जे विमान कंपनीतून प्रवास करत होते, त्या कंपनीत अदृश्य हात आहे. त्या कंपनीतील बेनामी मालक, इन्व्हेस्टमेंट याबाबत आधी तपास होणे गरजेचे आहे."
28 जानेवारी रोजी सकाळी 8.45 वाजता
मुंबईहून बारामतीकडे जात असताना अजित पवारांचा विमान बारामती एअरपोर्टजवळ कोसळला. जोरदार स्फोट आणि आग लागल्याने पाच जणांचा मृत्यू झाला. या घटनेने संपूर्ण राज्यात शोककाळ पसरला.या दुर्दैवी घटनेच्या तीन आठवड्यानंतरही अपघाताचे नेमके कारण अद्याप स्पष्ट झालेले नाही. रोहित पवार यांनी पत्रकार परिषदेत अनेक शंका उपस्थित केल्या होत्या आणि त्यातून पक्षीय गटातही अंतर्गत चर्चा सुरू झाल्याची माहिती समोर आली आहे. आमदार आणि नेते सखोल चौकशीची मागणी करत असून, अद्याप तपास पूर्ण होण्यास वेळ लागणार आहे.राज्याच्या राजकारणात आणि पक्षीय व्यवहारात अजित पवारांच्या अकाली निधनामुळे निर्माण झालेली गोंधळाची परिस्थिती, आणि विमान अपघाताच्या कारणांबाबत स्पष्टता नसल्यामुळे संपूर्ण राज्यात जनतेत चिंता आणि संशय वाढत आहे. संजय राऊतांच्या विधानामुळे या प्रकरणावर सार्वजनिक चर्चाही जोर पकडत आहे.यापुढे ही प्रकरणाची सखोल चौकशी कधी आणि कशी होईल, हे पाहणे महत्त्वाचे ठरणार आहे. राज्यातील नागरिक आणि राजकीय वर्तुळ यांना अजित पवारांच्या अपघाताचे खरे कारण जाणून घेण्याची उत्सुकता आहे.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
