महाराष्ट्रात खळबळ..! नायब तहसीलदारासह 7 महसूल कर्मचाऱ्यांवर कारवाई; मोठा घोटाळा उघड
भंडारा जिल्ह्यात बोगस दिव्यांग प्रमाणपत्रांच्या आधारे शासकीय नोकऱ्या मिळवण्याचा गंभीर प्रकार उघडकीस आला असून, महसूल विभागातील सात अधिकारी आणि कर्मचाऱ्यांवर कारवाई करण्यात आली आहे. या कारवाईमुळे जिल्ह्यातील प्रशासकीय वर्तुळात मोठी खळबळ उडाली आहे.
या प्रकरणाची चौकशी विशेष समितीमार्फत करण्यात आली होती. तपासादरम्यान दिव्यांगांच्या बनावट प्रमाणपत्रांचा वापर करून नोकऱ्या मिळवण्यात आल्याचे स्पष्ट झाले. यानंतर सावनकुमार यांनी संबंधितांवर कठोर कारवाई केली.
कारवाईतील सर्वात मोठी बाब म्हणजे भंडाऱ्याचे नायब तहसीलदार आनंद हट्टेवार यांच्यावरही कारवाई करण्यात आली आहे. त्यांना सेवेतून बडतर्फ करण्याचा प्रस्ताव जिल्हा निवड समितीने शासनाकडे पाठवला आहे. वरिष्ठ अधिकाऱ्यावर झालेल्या या कारवाईमुळे महसूल विभागात चर्चेला उधाण आले आहे.
बडतर्फ करण्यात आलेले अधिकारी
वसुंधरा वासनिक-इंगळे – मंडळ अधिकारी, जिल्हाधिकारी कार्यालय (पुनर्वसन शाखा)
शारदा सूर्यभान झंझाड – तलाठी (मोहाडी)
विनोद भावे – तलाठी (मोहाडी)
निलंबित करण्यात आलेले अधिकारी
शिवशंकर साखरवाडे – सहाय्यक महसूल अधिकारीयोगराज बाबूराव डांगरे – तलाठी (लाखनी)दिलीप सिंग ठाकूर – सहाय्यक महसूल अधिकारी (पवनी)दरम्यान, या प्रकरणात आणखी मोठा गैरप्रकार समोर येण्याची शक्यता आहे. दिव्यांग कल्याण आयुक्तांनी भंडारा जिल्ह्यातील एकूण 23 कर्मचाऱ्यांच्या प्रमाणपत्रांची तपासणी करण्याचे आदेश दिले होते. त्यानुसार ही कारवाई करण्यात आली असून, पुढील काळात आणखी काही जणांवर कारवाई होण्याची शक्यता वर्तवली जात आहे.बोगस प्रमाणपत्रांच्या आधारे नोकऱ्या आणि पदोन्नती मिळवल्याचा हा प्रकार उघड झाल्याने प्रशासनातील पारदर्शकतेवर प्रश्नचिन्ह उपस्थित झाले असून, या प्रकरणाची व्याप्ती वाढण्याची शक्यता व्यक्त केली जात आहे.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
