अशोक खरातचा शालार्थ आयडी घोटाळ्यात सहभाग? धक्कादायक माहिती समोर; शिक्षण क्षेत्रात खळबळ
नाशिक: भोंदू बाबा अशोक खरात प्रकरणात दररोज नवे धक्कादायक खुलासे समोर येत असताना आता शिक्षण विभागाशी संबंधित आणखी एक गंभीर मुद्दा समोर आला आहे. राज्यभर गाजत असलेल्या शालार्थ आयडी घोटाळ्यामध्ये देखील अशोक खरात असल्याचे समोर आले आहे. अशोक खरातचा शालार्थ आयडी घोटाळ्यात सहभाग असल्याची जोरदार चर्चा रंगू लागली आहे.
विश्वसनीय सूत्रांच्या माहितीनुसार, 2022 साली शिक्षणमंत्री दीपक केसरकर असताना यांच्या कार्यकाळात अशोक खरातने आपल्या भावाला शालार्थ आयडी मिळवून दिल्याचा संशय व्यक्त केला जात आहे. भोंदू बाबा अशोकचा भाऊ दिलीप खरात हा सिन्नर तालुक्यातील बारागाव पिंपरी येथील न्यू इंग्लिश स्कूल अँड ज्युनिअर कॉलेजमध्ये शिक्षक म्हणून कार्यरत असल्याची माहिती समोर आली आहे.
या प्रकरणात शिक्षण विभागात अशीही चर्चा आहे की, तत्कालीन शिक्षणमंत्री दीपक केसरकर यांच्या माध्यमातून मध्यस्थी करत हा आयडी मिळवून देण्यात आला. त्यामुळे दिलीप खरातचा शालार्थ आयडी खरा की बोगस, असा गंभीर प्रश्न उपस्थित होत आहे. याशिवाय अशोक खरातने आपल्या राजकीय वजनाचा वापर करून शिक्षण विभागातील अनेक फाईल्स पास केल्याचीही दबक्या आवाजात चर्चा सुरू आहे.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
