सांगलीत 'दोषी' पर्व सुरू! एसी केबिनला ठोकला रामराम; पोलीस अधीक्षक थेट रणांगणात, गुन्हेगारांची पळता भुई थोडी!
सांगली: "कायदे तोडणाऱ्यांनो सावधान, आता तुमची खैर नाही!" असा जणू इशाराच सांगलीचे नूतन पोलीस अधीक्षक तुषार दोषी यांनी आपल्या कृतीतून दिला आहे. पदभार स्वीकारताच खुर्चीला चिकटून न राहता, दोषी यांनी थेट रस्त्यावर उतरून 'फिल्ड मार्शल'ची भूमिका घेतल्याने गुन्हेगारी जगतात अक्षरशः थरकाप उडाला आहे.
■ एसी केबिन सोडून 'ॲक्शन मोड'; खाकीचा दरारा परतला!
गेल्या काही दिवसांपासून पोलीस प्रशासन सुस्तावल्याच्या चर्चांना अधीक्षक तुषार दोषी यांनी आपल्या धडाकेबाज एन्ट्रीने पूर्णविराम दिला आहे. फाईल्सचा ढिगारा आणि वातानुकूलित केबिनचा मोह सोडून, जेव्हा जिल्ह्याचा सर्वोच्च पोलीस अधिकारी स्वतः रस्त्यावर उतरतो, तेव्हा गुन्हेगारांचे 'काऊंटडाऊन' सुरू झाले आहे असेच म्हणावे लागेल.
■ अवैध धंद्यांचे धाबे दणाणले!
जिल्ह्यात फोफावलेले मटका, जुगार, अवैध हातभट्टी आणि स्पा सेंटर्सच्या नावाखाली चालणारे काळे धंदे आता रडारवर आले आहेत. "साहेबांची नजर थेट रस्त्यावर आहे," या एकाच भीतीने अनेक अवैध धंदेवाल्यांनी पोबारा केला आहे. सुस्तावलेले पोलीस दलही आता अधीक्षकांच्या आक्रमक पावित्रा पाहून ताठ झाले असून, कोम्बिंग ऑपरेशन्स आणि नाकाबंदीचा धडाका वाढला आहे.
■ जनतेचा विश्वास, गुन्हेगारांचा काळ!
सामान्य सांगलीकरांमधून या 'दोषी पॅटर्न'चे जोरदार स्वागत होत आहे. रस्त्यावर दिसणारा पोलीस केवळ शिपाई नसून खुद्द पोलीस अधीक्षक आहेत, हे पाहून जनतेचा पोलिसांवरील विश्वास दुपटीने वाढला आहे.
"केवळ आदेश देणारा अधिकारी नाही, तर मैदानात उतरून लढणारा सेनापती सांगलीला मिळाला आहे." अशी भावना आता चौकाचौकात चर्चिली जात आहे.
थेट पाहणी: गुन्हेगारी हॉटस्पॉट्सवर अधीक्षकांची स्वतःची नजर.
नो टॉलरन्स: अवैध धंद्यांना पाठबळ देणाऱ्यांची आता गय नाही.
धाक आणि विश्वास: गुन्हेगारांमध्ये दहशत आणि सर्वसामान्यांमध्ये सुरक्षिततेची भावना.
सांगली जिल्ह्याचा गुन्हेगारीचा 'कलंक' पुसण्यासाठी तुषार दोषी नावाचे हे वादळ आता शांत होणार की अधिक रौद्र रूप धारण करणार? हे येणारा काळच ठरवेल!
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
