"पेट्रोल पंपावरील या ६ मोफत सुविधा तुम्हाला माहितीयेत का? पैसे मागितल्यास 'येथे' करा तक्रार!"

"पेट्रोल पंपावरील या ६ मोफत सुविधा तुम्हाला माहितीयेत का? पैसे मागितल्यास 'येथे' करा तक्रार!"

आपल्यापैकी खूप कमी लोकांना माहिती असेल की, आपल्या देशातील सर्व पेट्रोल पंपांवर ग्राहकांना या ६ गोष्टी पूर्णपणे मोफत दिल्या जातात. बहुतेक लोक पेट्रोल पंपाचा वापर फक्त पेट्रोल किंवा डिझेल भरण्यासाठी करतात, पण पेट्रोल पंपावर ग्राहकांसाठी काही खास सुविधा देखील उपलब्ध असतात हे अनेकांना माहिती नसते. मार्केटिंग डिसिप्लिन गाईडलाइन्स (MDG)नुसार, या सर्व सुविधांसाठी पेट्रोल पंप ग्राहकांकडून कोणतेही पैसे घेऊ शकत नाही. चला तर मग जाणून घेऊया पेट्रोल पंपावर ग्राहकांना कोणत्या ६ सुविधा मोफत मिळतात.

इंधनाचा फिल्टर पेपर टेस्ट करू शकता

पेट्रोल किंवा डिझेल भरताना जर तुम्हाला इंधनाच्या गुणवत्तेबद्दल शंका वाटत असेल, तर तुम्ही 'फिल्टर पेपर टेस्ट' करण्याची मागणी करू शकता. पेट्रोल पंप कर्मचारी तुम्हाला यासाठी नकार देऊ शकत नाहीत आणि यासाठी कोणतेही शुल्कही घेतले जात नाही.

फर्स्ट एड किटची सुविधा

खूप कमी लोकांना माहिती आहे की पेट्रोल पंपावर फर्स्ट एड किटची सुविधा देखील असते. प्रवासादरम्यान किंवा अपघात झाल्यास किरकोळ दुखापतीसाठी पेट्रोल पंपावरून तातडीने फर्स्ट एडची मदत मिळू शकते.

स्वच्छ पिण्याच्या पाण्याची व्यवस्था

फर्स्ट एडसोबतच पेट्रोल पंपावर ग्राहकांसाठी स्वच्छ पिण्याच्या पाण्याची सुविधा देखील उपलब्ध असते. नियमांनुसार, प्रत्येक पेट्रोल पंपावर सर्वसामान्यांसाठी स्वच्छ आणि थंड पाण्याची व्यवस्था असणे आवश्यक आहे.

मोफत आणि स्वच्छ शौचालय

पेट्रोल पंपावर ग्राहकांसाठी मोफत आणि स्वच्छ शौचालयाची सुविधा देखील असते. तुम्ही कोणत्याही अडचणीशिवाय या शौचालयाचा वापर करू शकता आणि यासाठी कोणतेही पैसे द्यावे लागत नाहीत.

टायरमध्ये मोफत हवा भरून मिळते

पेट्रोल पंपावर टायरमध्ये हवा भरण्याची मशीन आणि कर्मचारी असणे आवश्यक असते. नियमांनुसार, वाहनाच्या टायरमध्ये हवा भरून घेण्यासाठी ग्राहकांकडून कोणतेही पैसे घेतले जात नाहीत. ही सुविधा पूर्णपणे मोफत असते.

इमर्जन्सीमध्ये फोन कॉल करण्याची सुविधा

जर तुमचा मोबाईल बंद झाला असेल किंवा बॅटरी संपली असेल, तर तुम्ही पेट्रोल पंपावरून इमर्जन्सी फोन कॉल करू शकता. ग्राहकांसाठी पेट्रोल पंपावर मोफत फोन कॉलची सुविधा उपलब्ध असते, जेणेकरून गरजेच्या वेळी संपर्क साधता येईल.

सुविधा मिळाली नाही तर तक्रार कुठे कराल?

देशातील प्रत्येक पेट्रोल पंपावर तक्रार नोंदवही ठेवणे बंधनकारक आहे. जर पेट्रोल पंपावर या सुविधा देण्यास नकार दिला गेला, तर तुम्ही तक्रार नोंदवहीत तक्रार लिहू शकता. तसेच, PG Portal वर जाऊनही ऑनलाइन तक्रार करू शकता.

➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.