मुंबईत भाजप नेत्याची विकृती! मध्यरात्री महिलेकडे केली 'ती' विचित्र मागणी; नकार देताच व्हिडिओ कॉलवर कपडे काढून माजवला थरार!
मुंबई: मुंबईतील राजकीय वर्तुळातून एक संतापजनक घटना समोर आली आहे. भारतीय जनता पक्षाच्या एका स्थानिक पदाधिकाऱ्याने एका महिलेचा लैंगिक छळ केला आहे. आरोपीनं महिलेकडं शरीरसुखाची मागणी केली. पीडितेनं नकार दिल्यानंतर आरोपीनं नग्नावस्थेत व्हिडीओ कॉल केला. या व्हिडिओ कॉलचे काही स्क्रीनशॉट व्हायरल झाले आहेत. या प्रकरणी भाजपच्या पदाधिकाऱ्यावर गुन्हा दाखल करण्यात आला आहे.
मिळालेल्या माहितीनुसार, युसूफ रंगवाला असं गुन्हा दाखल झालेल्या भाजप पदाधिकाऱ्याचं नाव आहे. युसूफ हा मुंबईतील कुलाबा भागातील वॉर्ड क्रमांक २२४ चा भाजप वॉर्ड अध्यक्ष म्हणून कार्यरत आहे. त्याच्या या कृत्यामुळे डोंगरी पोलीस ठाण्यात गुन्हा नोंदवण्यात आला असून पोलीस पुढील तपास करत आहेत.
मध्यरात्री अश्लील मेसेज आणि व्हिडिओ कॉल
पीडित महिलेने दिलेल्या तक्रारीनुसार, आरोपी युसूफ रंगवाला याने रात्रीच्या वेळी सर्व मर्यादा ओलांडल्या. मध्यरात्री साधारण २ वाजण्याच्या सुमारास त्याने पीडित महिलेला मोबाईलवर मेसेज केला. "मी एका तासासाठी तुझ्या घरी येऊ का?" असा अश्लील मेसेज त्याने केला. महिलेने त्याच्या या मेसेजला नकार दिला. महिलेने नकार देताच त्याने थेट तिला 'व्हिडिओ कॉल' केला. महिलेने फोन उचलला असता, आरोपी युसूफ रंगवाला हा विवस्त्र अवस्थेत होता आणि तो व्हिडिओ कॉलवरच अश्लील चाळे करू लागला, असा गंभीर आरोप पीडितेनं केला आहे.
डोंगरी पोलीस ठाण्यात गुन्हा दाखल
या प्रकारानंतर प्रचंड मानसिक धक्का बसलेल्या पीडित महिलेने तत्काळ मुंबईतील डोंगरी पोलीस ठाणे गाठले आणि घडलेला सर्व प्रकार पोलिसांना सांगितला. महिलेच्या तक्रारीची गंभीर दखल घेत डोंगरी पोलिसांनी आरोपी युसूफ रंगवाला याच्याविरोधात लैंगिक छळ आणि विनयभंगाचा गुन्हा दाखल केला आहे. पोलीस सध्या या घटनेचा सविस्तर तपास करत आहेत. एका सत्ताधारी पक्षाच्या पदाधिकाऱ्यानेच महिलांसोबत असं घाणेरडं कृत्य केल्याने राजकीय वर्तुळातून संताप व्यक्त केला जात आहे.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
