मोबाईल युजर्सला लॉटरी लागणार! रिचार्ज प्लान 70 टक्क्यांपर्यंत स्वस्त होणार, 300 रुपयांचा रिचार्ज आता 150 रुपयांत मिळणार?
महागड्या मोबाईल रिचार्जमुळे त्रस्त असलेल्या दूरसंचार ग्राहकांना काहीसा दिलासा मिळाला आहे. येत्या काही दिवसांत मोबाईल रिचार्ज प्लॅन्स 50 ते 70 टक्क्यांनी स्वस्त होऊ शकतात. भारतीय दूरसंचार नियामक प्राधिकरणाने (TRAI) 'दूरसंचार ग्राहक संरक्षण नियम, 2026' चा एक नवीन मसुदा तयार केला आहे, ज्याअंतर्गत कंपन्यांना केवळ व्हॉईस कॉलिंग आणि एसएमएस सुविधा देणारे, वेगवेगळ्या व्हॅलिडिटीचे प्लॅन्स लॉन्च करण्याचे निर्देश दिले जाऊ शकतात.
डेटाशिवायचे मिळणारे मोबाईल रिचार्ज प्लॅन्स स्वस्त होऊ शकतात. भारतीय दूरसंचार नियामक प्राधिकरण (TRAI) यावर काम करत आहे. TRAI ने 'दूरसंचार ग्राहक संरक्षण नियम, 2026' चा एक नवीन मसुदा प्रसिद्ध केला आहे. 'जर तुम्हाला डेटा नको असेल, तर त्यासाठी पैसे का द्यायचे?' या समस्येवर तोडगा काढणे हा याचा मुख्य उद्देश आहे. TRAI ने सर्व संबंधितांकडून सूचना मागवल्या आहेत आणि त्यानंतर याला अंतिम स्वरूप दिले जाईल.
नवीन प्रस्ताव काय आहे?
सध्या, कंपन्या मर्यादित कालावधीसाठी 'केवळ कॉल' आणि 'एसएमएस' पॅक देतात. यामुळे अनेक ग्राहकांना महागडे केवळ-डेटा प्लॅन्स खरेदी करण्यास भाग पडते. आता, ट्रायने असा प्रस्ताव दिला आहे की कंपन्यांना त्यांच्या डेटा प्लॅनच्या समान व्हॅलिडिटीचा, जसे की 7, 28, 56 किंवा 84 दिवसांचा, 'फक्त कॉल आणि एसएमएस' प्लॅन द्यावा लागेल.
वाय-फाय आणि कीपॅड युजर्सला थेट फायदा
सध्या, जर एखाद्या युजरला जास्त व्हॅलिडिटीचा (जसे की 56 किंवा 84 दिवस) रिचार्ज हवा असेल, तर त्यांना नाइलाजाने महागडे डेटा पॅक खरेदी करावे लागतात. ज्यांच्या घरी ब्रॉडबँड किंवा वाय-फाय कनेक्शन आहे, किंवा जे फक्त साधे कीपॅड फोन वापरतात, त्यांच्यासाठी हा डेटा निरुपयोगी आहे. ट्रायचा नवीन मसुदा लागू झाल्यानंतर, कंपन्या ग्राहकांवर डेटा प्लॅन लादू शकणार नाहीत.
₹300 चा रिचार्ज आता ₹150 मध्ये ?
एका सामान्य रिचार्ज प्लॅनमध्ये साधारणपणे 50 ते 70 टक्के खर्च इंटरनेट डेटावर होतो. जर ग्राहकाने फक्त व्हॉईस कॉल्स आणि मेसेजिंगचा पर्याय निवडला, तर त्यांच्या रिचार्जचा खर्च निम्म्याहून अधिक कमी होईल.एक स्वस्त पर्याय - उदाहरणार्थ, जर डेटा आणि कॉलिंगसह 84 दिवसांच्या प्लॅनची किंमत ₹300 असेल, तर फक्त डेटा आणि कॉलिंग असलेल्या त्याच प्लॅनसाठी ग्राहकाला सुमारे ₹150 खर्च येईल.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
