तुम्हीही 'आशीर्वाद' आटा वापरता? दिल्ली हायकोर्टाकडून मोठी बातमी; दिला मोठा निर्णय?
FSSAI च्या कारवाया सध्या देशभरात सुरुच आहे.
बऱ्याच कंपन्यांना मोठा फटका बसला आहे. अनेक ऑनलाइन प्लॅटफॉर्म, रेस्टॉरंट्स आणि FMCG कंपन्यांयापासून वाचलेल्या नाहीत. यांच्यावर सुद्धा अगदी जलदगतीने कारवाई केली जात आहे. याच संदर्भात, अलीकडेच ITC वर कारवाई करण्यात आली होती. या कारावाईत लायसन्स रद्द करण्यात आलं होतं. यासंदर्भात दिल्ली उच्च न्यायालयाने महत्त्वाचा निर्णय दिला आहे. तुम्ही जर आशीर्वाद आटा वापरत असाल तर ही बातमी तुमच्यासाठी महत्त्वाची ठरणार आहे.
ITC संदर्भातील नेमकं प्रकरण काय?
हे प्रकरण ITC च्या ‘आशीर्वाद’ पिठाशी संबंधित आहे. जे १००% संपूर्ण गव्हाचे असल्याचा दावा केला गेला होता. FSSAI ने अलीकडेच अशा दाव्यांसंदर्भात एक नवीन सूचना जारी केली होती. यानंतर, ITC ला तिच्या पॅकेजिंग लेबल्स, जाहिराती आणि वेबसाइटमध्ये बदल करण्यास सांगणारी नोटीस बजावण्यात आली होती. यावरुनच त्यांच्यावर कारवाई करण्यात आली होती.
कारणे दाखवा नोटीसला आव्हान
ITC ने यासगळ्या प्रकरणावर प्रतिप्रश्न करण्याचा निर्णय घेतला. १० ऑगस्ट रोजी जारी केलेल्या कारणे दाखवा नोटीस आणि १३ ऑगस्ट रोजी जारी केलेल्या सुधारणा नोटीसला दिल्ली उच्च न्यायालयात आव्हान देणार आहे. १०० टक्के दाव्यांसंदर्भात FSSAI चा नवीन सल्ला विद्यमान कायद्याच्या कक्षेबाहेरचा आहे आणि कंपनी त्याचे पालन करण्यास बांधील नाही असा कंपनीने युक्तीवाद केला होता. न्यायमूर्ती स्वर्ण कांत शर्मा यांच्या न्यायालयाने या प्रकरणात FSSAI ला नोटीस बजावली आहे. त्यानंतर याता न्यायालय ITC च्या युक्तिवादांवर FSSAI चा प्रतिसाद ऐकून घेईल. त्यानुसार पुढचा निकाल होईल.
लायसन्स रद्द करणं
न्यायालयाने यासंदर्भात महत्त्वाचा निर्णय दिला आहे. FSSAI ला या सल्ल्याच्या आधारावर ITC चा परवाना रद्द करण्याचा आणि कारवाई न करण्याचे निर्देश देण्यात आले आहे. याचा महत्त्वाचा अर्थ हा की पुढील सुनावणी होईपर्यंत ITC चा परवाना रद्द होण्याचा कोणताही धोका नाही. आता पुढील सुनावणी ९ सप्टेंबर रोजी होणार आहे. या सुनावणीत १०० टक्क्यांसारख्या दाव्यांसंदर्भात FSSAI च्या नवीन धोरणाची कायदेशीर वैधता आणि त्यानुसार ITC ला कोणते बदल करावे लागतील, हे स्पष्ट होणार आहे.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
