"रोज मूठभर 'मिक्स नट्स' खा आणि राहा फिट! डॉक्टरांनी सांगितलेले ५ जबरदस्त फायदे"

"रोज मूठभर 'मिक्स नट्स' खा आणि राहा फिट! डॉक्टरांनी सांगितलेले ५ जबरदस्त फायदे"

मिक्स्ड नट्स हे पोषक घटकांचे पॉवर पॅक मानले जातात. यामध्ये निरोगी चरबी (हेल्दी फॅट्स), प्रथिने (प्रोटीन) आणि फायबर भरपूर प्रमाणात असतात. आहारात बदाम आणि अक्रोड यांसारख्या नट्सचा समावेश केल्याने शरीराला अनेक आरोग्यदायी फायदे मिळतात. फ्लोरिडाचे गॅस्ट्रोएन्टेरोलॉजिस्ट डॉ. जोसेफ सल्हाब यांनी नट्स रोज खाण्याचे फायदे आणि त्याचे योग्य प्रमाण सांगितले आहे.

नट्स खाण्याचे प्रमुख आरोग्यदायी फायदे :

१) कोलॉन कॅन्सरचा धोका होतो कमी : नियमितपणे नट्स खाल्ल्याने कोलॉन कॅन्सरचा (मोठ्या आतड्याचा कर्करोग) धोका कमी होतो. अक्रोडवर यासंदर्भात सर्वाधिक संशोधन झाले असून यामध्ये फायबर, पॉलिफेनॉल्स आणि हेल्दी फॅट्स भरपूर असतात. हे घटक आतड्याचे आरोग्य (गट मायक्रोबायोम) उत्तम ठेवण्यासाठी फायदेशीर ठरतात.

२) फॅटी लिव्हरसाठी गुणकारी : नट्स यकृताच्या आरोग्यासाठी अत्यंत उत्तम मानले जातात. यामध्ये अनसॅच्युरेटेड फॅट्स, फायबर, अँटीऑक्सिडंट्स आणि व्हिटॅमिन E असतात, जे फॅटी लिव्हरची समस्या कमी करण्यास मदत करतात.

३) स्मरणशक्ती वाढते : नट्सचे नियमित सेवन केल्याने डिमेंशिया (स्मृतिभ्रंश) आणि बौद्धिक क्षमता कमी होण्याचा धोका टळतो. अक्रोड आणि बदामामध्ये व्हिटॅमिन E व पॉलिफेनॉल्स मुबलक प्रमाणात असतात, जे मेंदूच्या पेशींचे ऑक्सिडेटिव्ह स्ट्रेस आणि नुकसानापासून संरक्षण करतात. 

४) शांत आणि उत्तम झोप मिळते : अक्रोडमुळे उत्तम झोप येण्यास मदत होते. यामध्ये नैसर्गिकरीत्या मेलाटोनिन आणि ट्रिप्टोफॅन हे घटक असतात, जे स्लीप-वेक सायकल (झोप आणि जाग येण्याचे चक्र) नियमित ठेवण्यात महत्त्वाची भूमिका बजावतात.

५) पित्ताशयातील खड्यांचा धोका कमी होतो : नट्सचे नियमित सेवन केल्याने पित्ताशयात खडे (गॉलब्लॅडर स्टोन) होण्याचा धोका कमी होतो. तसेच अक्रोड आणि इतर ट्री नट्स ट्रायग्लिसराइड्स, वाईट कोलेस्ट्रॉल (LDL) कमी करून हृदयाचे आरोग्य सुधारण्यास मदत करतात. 

नट्स खाण्याचे योग्य प्रमाण किती असावे?

दिवसभरात साधारणपणे २८ ते ३० ग्रॅम म्हणजेच एक मूठभर मिक्स्ड नट्स खाणे आरोग्यासाठी फायदेशीर मानले जाते. आठवड्यातून सुमारे ५० ते ६० ग्रॅम नट्स खाल्ल्याने शरीराला आवश्यक फायबर, व्हिटॅमिन E, अँटीऑक्सिडंट्स आणि इतर पोषक घटक मिळतात; ज्यामुळे लिव्हर, मेंदू, हृदय, आतडे आणि झोपेचे आरोग्य उत्तम राहते.

➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.