मिरजेतील मार्तंडेश्वर चौकात भरदुपारी थरार! किरकोळ वादातून तरुणाचा धारदार शस्त्राने निर्घृण खून​

मिरजेतील मार्तंडेश्वर चौकात भरदुपारी थरार! किरकोळ वादातून तरुणाचा धारदार शस्त्राने निर्घृण खून

​मिरज :- मिरज शहरातील गजबजलेल्या मार्तंडेश्वर चौक परिसरात भरदुपारी खुनाची एक अत्यंत धक्कादायक आणि थरारक घटना घडली आहे. शेजाऱ्याशी झालेल्या किरकोळ वादाची भीषण परिणती एका तरुणाच्या निर्घृण खुनात झाली असून, इलाई शेख असे मृत तरुणाचे नाव आहे. दिनदुबळ्यांना हादरवून सोडणाऱ्या या घटनेमुळे संपूर्ण मिरज शहरात प्रचंड खळबळ उडाली आहे.

​भरदुपारी शस्त्राचा धाक अन् रक्ताचा सडा

​मिळालेल्या प्राथमिक माहितीनुसार, मार्तंडेश्वर चौक परिसरात इलाई शेख आणि त्याच्या शेजाऱ्यामध्ये अचानक कोणत्या तरी कारणावरून किरकोळ वाद झाला. हा वाद पाहता पाहता विकोपाला गेला. रागाच्या भरात संशयित आरोपीने अत्यंत निर्दयीपणे इलाई याच्यावर धारदार शस्त्राने सपासप वार केले.

​भरदुपारी मुख्य चौकात झालेल्या या हल्ल्यामुळे परिसरात नागरिकांची मोठी धावपळ उडाली. इलाई शेख गंभीर जखमी होऊन रक्तबंबाळ अवस्थेत खाली कोसळला. घटनेनंतर आरोपीने तात्काळ घटनास्थळावरून पोबारा केला. गंभीर जखमी झालेल्या इलाईला तात्काळ उपचारासाठी रुग्णालयात नेण्यात आले, परंतु उपचारापूर्वीच त्याचा मृत्यू झाल्याचे डॉक्टरांनी घोषित केले.

​पोलीस पथके रवाना; मारेकऱ्यांचा शोध सुरू

​घटनेची माहिती मिळताच मिरज शहर पोलीस ठाण्याचे वरिष्ठ अधिकारी आणि पोलीस कर्मचाऱ्यांचे ताफा घटनास्थळी दाखल झाला. पोलिसांकडून परिसराची पाहणी करण्यात आली असून, परिसरातील मुख्य रस्त्यांवरील आणि दुकानांमधील CCTV फुटेज तपासण्याचे काम वेगाने सुरू आहे. ​

संशयित आरोपींच्या अटकेसाठी पोलिसांनी तात्काळ विशेष पथके तयार करून वेगवेगळ्या दिशेने रवाना केली आहेत. पोलिसांकडून आरोपींचा शोध युद्धपातळीवर सुरू आहे.

खुनाचे नेमके कारण अद्याप अस्पष्ट

​हा खून केवळ शेजाऱ्यांमधील तात्कालिक वादातून झाला की यामागे काही जुना वैयक्तिक वाद, पूर्ववैमनस्य किंवा अन्य काही गंभीर कारण आहे, हे अद्याप अस्पष्ट आहे. पोलीस या प्रकरणाचा सर्व बाजूंनी सखोल तपास करत असून, आरोपींना ताब्यात घेतल्यानंतरच या खुनामागचे नेमके कारण समोर येण्याची शक्यता व्यक्त केली जात आहे. ​

भरदुपारी झालेल्या या घटनेमुळे मार्तंडेश्वर चौक व आसपासच्या परिसरात भीतीचे आणि तणावाचे वातावरण पसरले असून, पोलिसांनी नागरिकांना शांतता राखण्याचे आवाहन केले आहे.

➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.